Edhe këtë të mërkurë, vazhdon procesi i gjykimit ndaj katërshes, Hashim Thaçi, Kadri Veseli, Jakup Krasniqi e Rexhep Selimi.
Në Dhomat e Specializuara të Kosovës në Hagë, po vazhdon procesi i dëgjimit të dëshmitarëve të përfshirë në rast nga prokurori i Specializuar.
Megjithatë, për shkak të diskrecionit të dëshmitarëve të gjitha dëshmitë e tyre janë marrë nga prokuroria pa vëmendjen e publikut – në seanca të mbyllura.
Krejt çka dihet nga dëshmitë e këtyre dëshmitarëve, janë numrat rendorë të dëshmitarëve të cilët tregohen në fillim të seancës dhe pak gjëra, gati të parëndësishme, të cilat i prezanton gjyqtari i trupit gjykues me të nisur procesi. Më pas kalohet në “seancë të mbyllur” dhe përveç atyre që janë prezent në sallë të gjykimit, askush tjetër nuk di mbi deklaratat e dëshmitë e dhëna nga këta dëshmitarë.
Një ditë më parë, u intervistua dëshmitari i katërt me kodin – 4748. Të martën e 16 majit ai u intervistua nga avokati mbrojtës i Kadri Veselit, Ben Emmerson.
Dëshmitari i katërt, kishte filluar të përgjigjet në pyetjet e avokatit Emmerson më 15 maj në sesionin e pasdites dhe ka vazhduar gjatë ditës së djeshme në sesion privat.
Më pas, i njëjti dëshmitarë do të fillojë të përgjigjet në pyetjet e mbrojtësit të Rexhep Selimit, avokatit Geoffrey Roberts.
Gjykimi ndaj ish krerëve të UÇK-së sot, fillon nga ora 9:00 por në Kosovë transmetohet me 30 minuta vonesë për shkak të redaktimit që i bën gjykata.
Megjithatë sipas të dhënave zyrtare, është bërë e ditur se në muajin maj do të zhvillohen 10 seanca.
Pas më shumë se dy vjetësh në paraburgim, gjykimi ndaj ish-krerëve të UÇK-së ka filluar më 3 prill me deklaratat hyrëse të palëve.
Thaçi, Veseli, Krasniqi dhe Selimi janë deklaruar të pafajshëm për të gjitha pikat e aktakuzës.
Sipas aktakuzës, krimet e paraqitura në të u kryen më së paku prej marsit 1998 deri në shtator 1999 në disa vendndodhje në Kosovë, si edhe në Kukës dhe Cahan, në Shqipërinë Veriore.
Pretendohet se këto krime u kryen nga anëtarë të UÇK-së kundër qindra civilëve dhe personave që nuk merrnin pjesë në luftime.
Në aktakuzë pretendohet se Thaçi, Veseli, Selimi dhe Krasniqi kanë përgjegjësi penale individuale për krime që u kryen në kontekstin e një konflikti të armatosur jo-ndërkombëtar në Kosovë dhe ishin pjesë e një sulmi gjerësisht të përhapur dhe sistematik kundër personave që dyshoheshin se ishin kundër UÇK-së.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Nëntë persona të tjerë pranohen në procesin gjyqësorë ndaj ish krerëve të UÇK-së
-
Dëshmitari i 60-të përfundon dëshminë në Speciale, gjykimi ndaj ish krerëve të UÇK-së vazhdon më 6 maj
-
Mbrojtja e Selimit kërkon që njëri nga dokumentet të mos ketë vlera provuese
-
Sërish seancë e mbyllur në Speciale ndaj ish krerëve të UÇK-së
Lajmet kryesore
-
Deutsche Welle ngre alarmin për Ballkanin, historia mund të përsëritet
-
Zhvillohen homazhe në varrezat e Dëshmorëve, përkujtohet 5 maji
-
Marrëveshja Izrael-Hamas, politologu Ian Bremmer: Biden ishte shumë i ngadalshëm, për të një marrëveshje është jetike, por ne jemi larg fundit
-
Nga Ocasio-Cortez te Sanders, ata demokratë që konkurrojnë Biden-in