Ndeshjet e NBA ishin interesante dhe pa befasi.
Cleveland Cavaliers – Golden State Warriors
Ndeshja mes Cleveland Cavaliers dhe Golden State Warriors ishte dramatike dhe përfundoi me fitoren e këtyre të fundit me rezultat 89:104.
Pjesa e parë e ndeshjes ishte e baraspeshuar, ku Cavaliers kishin një epërsi prej vetëm tre pikësh.
Ndërsa në çerekun e tretë, Cavaliers arritën një epërsi më të thellë prej 13 pikësh.
Në anën tjetër perioda e katërt ishte e gjitha e Warriors të cilët shënuan 36 pikë, ndryshe prej Cavaliers të cilët shënuan vetëm tetë.
Stephen Curry si gjithmonë ishte ylli i ndeshjes i cili shënoi 40 pikë për fitoren e tyre të 13-të.
Lojtarët të tjerë që kontribuuan në fitoren e GSW ishin Andrew Wiggins me 12 pikë dhe Nemanja Bjelica me 14.
Ndërsa te Cavs, më të mirët ishin Darius Garland me 25 pikë dhe Dean Wade me 17.
Miami Heat – Washington Wizards
Ndeshja tjetër mes Miami Heat dhe Washington Wizards përfundoi me fitoren e këtyre të parëve me rezultat 112:97.
Ndeshja ishte e baraspeshuar, pavarësisht fitores së thellë të Heat.
Me këtë ndeshje, Heat kanë arritur fitoren e tyre të katërt radhazi, teksa radhiten të parët në konferencën lindore.
Dueli me dy lojtarëve Bradley Beal në anët e Wizards dhe Jimmy Butler nga Heat ishte interesant pasi ky i pari shënoi 30 pikë dhe Butler përfundoi ndeshjen me 32 pikë.
Përpos Butler, te Heat kontribuuan edhe Bam Adebayo me 20 pikë e 9 kërcime, Kyle Lowry me 12 asistime dhe Gabe Vincent me 18 pikë.
Ndërsa te Wizards, më të mirët ishin Kyle Kuzma me 19 pikë e 13 kërcime dhe Montrezl Harell me 12 pikë e 9 kërcime.
Memphis Grizzlies – Los Angeles Clippers
Dueli mes Memphis Grizzlies dhe Los Angeles Clippers ishte interesant pasi ndeshjen e fituan këta të parët me rezultat 120:108.
Ndeshja ishte e baraspeshuar gjatë gjithë kohës, por Grizzlies arritën të shfrytëzojnë kundërsulmet më mirë se Clippers.
Grizzlies kanë arritur fitoren e tyre të tetë dhe radhiten në pozitën e shtatë në konferencën perëndimore.
Ja Morant ishte përsëri heroi i Grizzlies, i cili përfundoi ndeshjen me 28 pikë, 5 asistime e 5 kërcime.
Përpos Morant, në fitoren e Memphis kontribuuan edhe Jaren Jackson Jr me 18 pikë dhe Dillon Brooks me po aq pikë.
Ndërsa te Clippers, më të mirët ishin Paul George me 23 pikë e 6 asistime dhe Reggie Jackson me 18 pikë.
Tre ndeshjet e tjera të luajtura në NBA përfunduan kështu:
San Antonio Spurs – Minnesota Timberwolves 90:115
Philadelphia 76ers – Denver Nuggets 103:89
Toronto Raptors – Utah Jazz 103:119
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Vdiq Ali Lajçi – ikona e “Pranverës ‘81”
