Këtë të hënë të 12 shkurtit, deputeti Gazment Bardhi njëkohësisht dhe kryetar i Grupit të Rithemelimit, ka mbajtur një mbledhje me deputetët e Rithemelimit, në selinë blu – për herë të parë nga përçarja e demokratëve.
Në qendër të kësaj tryeze diskutimi ishte protesta e 20 shkurtit dhe aksioni opozitar.
Në mbledhje theksi është vënë gjithashtu në nevojën që deputetët të zbresin në bazë dhe të përgatiten për protestën.
Bardhi tha se prej më shumë se një viti janë bërë përpjekje për bashkimin e partisë.
“Këto dy vitet e fundit, ne hymë në një rrugë që solli mosbesim, konflikt, përçarje mes demokratëve. Zgjatja e asaj situate vuri në pikëpyetje vetë ekzistencën e partisë. Kjo situatë mes nesh, e paprecedentë në llojin e vet, po ndodhte ndërsa Shqipëria humbte çdo ditë nga një tullë në themelet e brishta të demokracisë dhe pluralizmit”.
Bardhi theksoi se PD mbështet institucionet që të zbatojnë ligjin pa komplekse dhe pa pasur ndikime politike.
“Partia Demokratike është partia më properëndimore se çdo forcë tjetër politike më vend. Ne besojmë tek aleatët tanë strategjik. Ne besojmë gjithashtu, se Shqipërisë i duhet një drejtësi e pavarur, pa ndërhyrje politike, por ne duhet të theksojmë me forcë se ne nuk jemi në luftë me drejtësinë! Do ta mbështesim dhe nxisim atë pa komplekse që të zbatojë ligjin, por edhe do të themi të vërtetën para shqiptarëve sa herë që do të konstatojmë se peshorja e drejtësisë disbalancohet nga ndërhyrjet politike”, shtoi deputeti.
Disa prej deputetëve që nuk u paraqitën në mbledhje mësohet se janë në udhëtim jashtë vendit. Ndërsa deputetja Jorida Tabaku thuhet se ka munguar për arsye shëndetësore.
Ish-kryeministri Sali Berisha, nuk ka qenë i pranishëm as online në mbledhje për shkak të masës ‘arrest shtëpie’ të caktuar ndaj tij nga GJKKO për korrupsion pasiv në aferën ‘Partizani’.
Të pranishëm në mbledhje:
1. Gazment Bardhi, 2. Dhurata Çupi; 3. Lefter Geshtenja, 4. Zheni Gjergji; 5. Qani Xhafa;6. Helidon Bushati; 7. Ramadan Likaj; 8. Xhelal Mziut; 9. Bledion Nallbati; 10. Agron Gjekmarkaj; 11. Ervin Salianji; 12. Petrit Doda 13. Greta Bardeli, 14. Ina Zhupa 15. Isuf Çela 16. Asllan Dogjani 17. Bujar Leskaj 18. Edi Paloka 19. Lindita Metaliaj 20. Ludovik Hasanaj 21. Sorina Koti 22. Tomorr Alizoti 23. Albana Vokshi 24. Flamur Noka 25. Oerd Bylykbashi 26. Luan Baçi 27. Tritan Shehu 28. Kasem Mahmutaj 29. Elda Hoti
Mungojnë:
1. Sali Berisha (arrest shtëpie) 2. Saimir Korreshi (jashtë vendit) 3. Dashnor Sula (jashtë vendit) 4. Flamur Hoxha; 5. Ferdinand Xhaferaj 6. Ilda Dhori 7. Emilja Koliqi 8. Kastriot Piroli (rast vdekjeje) 9. Edmond Spaho (arsye shendetesore) 10. Jorida Tabaku (arsye shëndetësore)
Kryetarët e partive aleate:
11. Fatmir Mediu (PR); 12. Agron Duka (PAA);13. Vangjel Dule (PBDNJ);14. Dashamir Shehi (LZHK);
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
