Partia Demokratike – Demokratët Euroatlantikë, kanë depozituar një rekurs në Gjykatën e Lartë, ku kërkojnë t’u rikthehet vula e Partisë zyrtare Demokratike, pasi Apeli vendosi që ajo i përkiste grupimit më të madh demokrat, atij të Sali Berishës.

Një rekurs i tillë ishte paralajmëruar nga kreu i grupimit të demokratëve euroatlantikë, Lulzim Basha, i cili nuk e ka pranuar vendimin e Apelit për t’i lënë fraksionit të tij brenda të djathtëve vulën.

Me anë të një publikimi në median sociale Facebook, Basha shprehet se grupimi që ai drejton nuk do të pranojë “paligjshmërinë dhe as nuk do lejojë që padrejtësia të triumfojë”.

Ai më tej shkruan se “vlerat themelore të demokratëve nuk mund të tregtohen në pazarin e hallexhinjve të SPAK, partia e parë properëndimore e Shqipërisë nuk mund të jetë streha e problemeve personale të një individi në konflikt me perëndimin”.

Njoftimi i plotë:

Partia Demokratike – Demokratët Euroatlantikë, depozitoi sot rekursin ndaj vendimit skandaloz të 11 qershorit.

Ne nuk e pranojmë paligjshmërinë, as nuk do lejojmë që padrejtësia të triumfojë.

Vlerat themelore të demokratëve nuk mund të tregtohen në pazarin e hallexhinjve të SPAK, partia e parë properëndimore e Shqipërisë nuk mund të jetë streha e problemeve personale të një individi në konflikt me perëndimin, votat e demokratëve nuk mund të përdoren për allishverishet mes qeverisë dhe teatëropozitës për t’i dhuruar pushtetin në tavolinë Ramës, duke mbyllur listat dhe duke shkatërruar Reformën Zgjedhore.

Shqipëria meriton më shumë.

Bordi i RTK-së shpreh keqardhje: Do marrim masa rigoroze

Grupi Basha rekurs për vulën e PD-së, kërkojnë t’u kthehet

Vitjon Nina

Parashikimi i motit, 23 korrik 2024