Goli i Brazilit bën debatin për Portin e Durrësit të ‘harrohet’, Zhupa i kërkon Ballës të ulë zërin e ndeshjes
Prej thuajse 12 orësh, në Parlamentin e Shqipërisë, po zhvillohet një seancë plenare ku po diskutohet mbi Portin e ri të Durrësit.
Mirëpo, përtej debateve tepër serioze mbi projektin me vlerë 2 miliardë euro, ka pasur edhe çaste gazmore mes deputetëve.
Kështu, në kohën kur deputetja demokrate, Ina Zhupa, ka marrë fjalën, dy kolegë nga shumica parlamentare, përkatësisht kreu i Grupit të Partisë Socialiste, Taulant Balla dhe deputeti socialist Toni Gogu, kanë qenë duke shijuar ndeshjen mes Brazilit dhe Serbisë.
Në atë çast, Zhupa u ka kërkuar kolegëve të ulin zërin e komentit të ndeshjes.
Por, me humor, Balla i ka thënë se ka shënuar Brazili dhe nga pamja e të dy deputetëve socialistë, është e qartë se kanë mbetur të shtangur nga goli i realizuar nga Richarlison me rroveshatë.
Ky ka qenë edhe goli i dytë i Brazilit përballë Serbisë, i cili për deputetët, ka qenë edhe më i rëndësishëm se sa fjala e kolegëve të opozitës në Parlament.
Fundja, pas 12 orësh debat dhe me një projektim për 6 orë të tjera diskutime të hapura, pak shplodhje duhet!
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Greqia nuk do të dërgojë sisteme të mbrojtjes ajrore në Ukrainë pavarësisht presionit të BE-së
-
Bardhi i përgjigjet Ramës: Do ta kuptojë shumë shpejt nëse kam bërë apo jo kallëzim në SPAK
-
Basha: Ja vija blu që të bashkohemi rreth një alternative
-
Rama: Kallëzimi i pabërë i Bardhit iu shit si sapun për djathë italianëve