Gjykata holandeze urdhëron ndalimin e eksporteve të pjesëve të avionëve F-35 në Izrael

Qeveria holandeze ka thënë se do të bëjë apelimin e saj në Gjykatën e Lartë të vendit.

Kjo pasi kishte urdhëruar që eksportet të ndërpriteshin brenda shtatë ditëve për shkak të shqetësimeve se pjesët e avionit po përdoreshin në shkelje të ligjit ndërkombëtar gjatë luftës së Izraelit në Gaza.

Qeveria tha se F-35-të ishin vendimtare për Izraelin për t’u mbrojtur nga “kërcënimet në rajon, për shembull nga Irani, Jemeni, Siria dhe Libani”.

Një gjykatë holandeze e apelit ka urdhëruar qeverinë të bllokojë dërgimin e pjesëve për avionët luftarakë F-35 në Izrael për shkak të shqetësimeve se ato po përdoren për të shkelur ligjin ndërkombëtar.

Izraeli nisi operacionet e tij në Gaza pasi rreth 1 mijë e 200 njerëz u vranë nga Hamasi më 7 tetor, i cili gjithashtu mori peng 253 persona.

“Është e pamohueshme se ekziston një rrezik i qartë që pjesët e eksportuara të F-35 të përdoren në shkelje të rënda të ligjit ndërkombëtar humanitar”, tha Gjykata e Apelit në Hagë.

“Izraeli nuk merr parasysh mjaftueshëm pasojat për popullatën civile kur kryen sulmet e tij”, shtoi gjykata.

Qeveria holandeze duhet të zbatojë urdhrin brenda shtatë ditëve, por mund të nisë një apel në Gjykatën e Lartë.

Çështja kundër u ngrit nga disa grupe, duke përfshirë filialin holandez të Oxfam, në dhjetor.

Kjo ndodhi pasi qeveria holandeze vendosi që licenca e eksportit për pjesët F-35 në Izrael mund të vazhdojë pavarësisht rrethimit të Izraelit në Gaza.

Një gjykatë më e ulët kishte vendosur më parë se eksporti i tyre ishte kryesisht një vendim politik dhe se gjyqtarët nuk duhet të ndërhynin, edhe pse tha se kishte të ngjarë që F-35 të kontribuonin në shkeljet e ligjeve të luftës.

Pjesët e F-35 në pronësi të SHBA-ve ruhen në një magazinë në Holandë dhe më pas dërgohen në vende të tjera, përfshirë Izraelin.

Në një rast të veçantë, gjykata e lartë e OKB-së muajin e kaluar urdhëroi Izraelin të marrë të gjitha masat për të parandaluar aktet gjenocidale në Gaza.

Urdhri i Gjykatës Ndërkombëtare të Drejtësisë (ICJ) në Hagë erdhi pasi Afrika e Jugut i kërkoi gjykatës të urdhëronte Izraelin të ndalonte menjëherë veprimet ushtarake në pritje të një vendimi nëse Izraeli ka kryer gjenocid.

Izraeli e hodhi poshtë akuzën si “krejtësisht të pabazë”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.