Gjukanoviç: Mohimi i gjenocidit nuk do të ketë kurrë vend në Mal të Zi

Mohimi dhe relativizimi i gjenocidit, glorifikimi i kriminelëve të luftës dhe mungesa e respektit për viktimat e gjenocidit dhe krimeve kundër njerëzimit, nuk do të kenë kurrë vend në Mal të Zi, ka thënë presidenti malezez, Milo Gjukanoviç.

Me rastin e Ditës Ndërkombëtare të Përkujtimit dhe Dinjitetit të Viktimave të Krimit të Gjenocidit dhe Parandalimit të këtij krimi, ai është shprehur se Mali i Zi do të vazhdojë të zhvillojë kulturën e paqes, tolerancës, dialogut ndërkulturor dhe ndërfetar.

“Mali i Zi do të vazhdojë të zhvillojë një kulturë paqeje, tolerance, dialogu ndërkulturor dhe ndërfetar duke përmirësuar cilësinë e arsimit, duke punuar me të rinjtë, duke forcuar institucionet demokratike dhe duke adoptuar dhe zbatuar vlerat më të larta demokratike”, ka shkruar Gjukanoviç në Twitter.

Negacija i relativizacija zločina genocida, glorifikacija ratnih zločinaca i odsustvo poštovanja žrtava zločina genocida i zločina protiv čovječnosti nikada neće imati svoj prostor u tradicionalno multietničkoj i modernoj evropskoj Crnoj Gori.

— Milo Đukanović (@predsjednik_cg) December 9, 2021

Ai tutje ka thënë se shteti do të vazhdojë të forcojë rezistencën e shoqërisë ndaj dhunës, ksenofobisë dhe të gjitha formave të diskriminimit.

“Mohimi dhe relativizimi i krimit të gjenocidit, glorifikimi i kriminelëve të luftës dhe mungesa e respektit për viktimat e gjenocidit dhe krimeve kundër njerëzimit nuk do ta kenë kurrë vendin e tyre në Malin e Zi tradicionalisht multietnik dhe modern evropian”, ka shkruar Gjukanoviç.

Međunarodni je dan sjećanja i dostojanstva žrtava zločina genocida i prevencije ovog zločina.Crna Gora će nastaviti da, kroz poboljšanje kvaliteta obrazovanja, rad sa mladima, jačanje demokratskih institucija i usvajanje i primjenu najviših demokratskih vrijednosti i standarda…

— Milo Đukanović (@predsjednik_cg) December 9, 2021