Gjilani e Prishtina surprizohen nga Ferizaj e Dukagjini, Llapi triumfon përballë Drenicës

Ndeshjet e së dielës në Superligën e Kosovës ishin interesante dhe me shumë befasi.

Dueli mes Ferizajt dhe Gjilanit përfundoi me fitoren e këtyre të parëve me rezultat 2:0.

Gjithçka ishte e baraspeshuar, por vendasit i shfrytëzuan më mirë mundësitë që kishin.

Goli i parë erdhi në pjesën e parë, në minutën e 30-të, të cilin e shënoi Gentrit Halili.

Në pjesën e dytë, Gentrit Ramusa shënoi për të dyfishuar epërsinë e vendasve.

Në minutën e 58-të, Elton Cale nga radhët e Gjilanit, u ndëshkua me karton të kuq, dhe ia u bëri edhe më të vështirë rikthimin në loje Gjilanit.

Në anën tjetër, edhe Prishtina është mposhtur befasisht nga Dukagjini me rezultat 1:2.

Goli i parë u shënua në favor të Dukagjinit, por ishte autogol nga Useini.

Pas 17 minutave, ishte Pefqeli, i cili barazoi shifrat kundër Dukagjinit.

Në pjesën e dytë, Merlaku ishte ai i cili shënoi për t’i dhënë epërsinë Dukagjinit, dhe për të ia fituar ndeshjen atyre.

Së fundmi, Llapi ka fituar përballë Drenicës me rezultat 4:0.

Dueli ishte kryesisht i dominuar nga vendasit, të cilët shënuan dy gola në pjesën e parë.

Goli i parë erdhi në fillim të ndeshjes, në minutën e gjashtë, me anë të Prognit, ndërsa goli tjetër u shënua në minutën e 44-të, pak para përfundimit të pjesës së parë nga Firmino.

Më pas ata shënuan edhe dy gola në pjesën e dytë me anë të Alidemajt dhe Kurtaj.

Gjilani radhitet në pozitën e tretë me 40 pikë, Llapi janë në vendin e katërt me një pikë më pak dhe Prishtina janë në vendin e pestë me një pikë më pak se Llapi.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.