Gjermania do të legalizojë përdorimin e kanabisit për qëllime rekreative

Gjermania ka parashtruar plane për të legalizuar kanabisin.

Lëvizja e premtuar e kancelarit Olaf Scholz do ta bënte Gjermaninë një nga vendet e para në Evropë që do të legalizonte kanabisin.

Karl Lauterbach, ministri i atjeshëm i Shëndetësisë, ka prezantuar një dokument mbi legalizimin e planifikuar për të rregulluar shpërndarjen dhe konsumin e kontrolluar të kanabisit.

E gjitha është në sfondin për qëllime rekreative midis të rriturve.

Po ashtu parashikohet legalizimi i marrjes dhe posedimit të 20 deri në 30 gram kanabis rekreativ për konsum personal.

Vitin e kaluar, qeveria e koalicionit ka arritur një marrëveshje për të përfshirë legjislacionin e ri në mandatin e saj katërvjeçar për të lejuar shpërndarjen e kontrolluar të kanabisit në dyqanet e licencuara.

Ndërkohë, Lauterbach nuk ka dhënë një afat kohor për planin, i cili do ta bënte Gjermaninë vendin e dytë të Bashkimit Evropian që legalizon kanabisin pas Maltës.

Tanimë, shumë vende evropiane, përfshirë edhe Gjermaninë, e kanë legalizuar kanabisin për qëllime të kufizuara mjekësore.

Përdorimi i kanabisit për qëllime mjekësore ka qenë i ligjshëm në Gjermani që nga viti 2017. Të tjerë e kanë dekriminalizuar përdorimin e tij të përgjithshëm, por nuk e kanë bërë të ligjshëm.

Qeveria planifikon të prezantojë një taksë të veçantë konsumi, si dhe të zhvillojë punë arsimore dhe parandaluese lidhur me kanabisin.

Sakaq, legalizimi i kanabisit mund t’i sjellë Gjermanisë të ardhura vjetore nga taksat dhe kursime të kostos prej rreth 4.7 miliardë euro dhe të krijojë 27 mijë vende të reja pune.

Gjermania do t’ia paraqesë dokumentin Komisionit Evropian për para-vlerësim dhe do të hartojë një ligj vetëm pasi ai t’i japë dritën jeshile, ka shtuar ministri.

Vendimi ka ngjallur një përzierje reagimesh në të gjithë ekonominë më të madhe të Evropës.

Shoqata e farmacistëve të Gjermanisë ka paralajmëruar për rreziqet shëndetësore të legalizimit të kanabisit dhe se kjo do t’i vendoste farmacitë në konflikt mjekësor.

Po ashtu plani i legalizimit nuk është mirëpritur nga të gjitha shtetet federale.

Ministri i Shëndetësisë i Bavarisë ka paralajmëruar se Gjermania nuk duhet të bëhet një destinacion turistik i drogës në Evropë.

“Konsumimi përfshin rreziqe të rëndësishme dhe ndonjëherë të pakthyeshme shëndetësore dhe sociale dhe çdo formë banalizimi është krejtësisht e papërgjegjshme”, ka thënë ministri Klaus Holetschek.

Marrë nga “Reuters”, përshtatur për “Albanian Post”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.