Gjermania dhe SHBA-të komentuan “gjurmën ukrainase” në sabotimin e “Nord Stream”

Autoritetet gjermane dhe amerikane bënë thirrje që të pritet për rezultatet zyrtare të hetimit për sabotimin e “Nord Stream-it” në Detin Baltik në vjeshtën e vitit 2022, përpara se të flisnin për përfshirjen e pretenduar të palëve të caktuara në të.

Lajmi u bë i ditur nga agjencia “Reuters”.

Kur u pyetën për të komentuar botimet e mediave që treguan përfshirjen e një “grupi pro-ukrainas” në shpërthimet në stacionet ruse të gazit, zëdhënësi i qeverisë federale gjermane tha që Berlini kishte marrë parasysh këtë informacion, por nuk do të komentonte mbi të.

“Zyra e prokurorit federal ka hetuar këtë çështje që nga fillimi i tetorit 2022. Kështu, ajo ka sovranitet mbi procedurën”, thuhet në koment.

Nga ana e tij, Koordinatori i Komunikimit Strategjik të Këshillit Kombëtar të Sigurisë Amerikane, John Kirby, u tha gazetarëve të martën se Washington-i po pret përfundimin e hetimeve në vazhdim në Gjermani, Suedi dhe Danimarkë.

“Ne besojmë, dhe Presidenti (Joe Biden) e ka thënë këtë, se kemi të bëjmë me një sabotim. Por ne duhet të lejojmë që këto hetime të përfundojnë, dhe vetëm atëherë duhet të marrim parasysh se çfarë veprimi të mëtejshëm mund ose nuk mund të jetë i përshtatshëm”, tha Kirby.

Botimi amerikan “The New York Times” publikoi një artikull duke cituar burime dhe të dhëna të inteligjencës që priren të besojnë se grupet joqeveritare, të cilat mund të përfshijnë rusët dhe ukrainasit, janë pas shpërthimit të “Nord Stream” në Detin Baltik.

Dhe sipas mediave gjermane, hetimi në Gjermani identifikoi një jaht që u përdor për të sabotuar tubacionet e gazit në vjeshtën e vitit 2022, dhe beson se është disi i lidhur me Ukrainën.

Këshilltari i Shefit të Zyrës së Presidentit të Ukrainës, Mykhailo Podolyak, u shpreh se Ukraina nuk ishte e përfshirë në shpërthimet në tubacionet e gazit rus Nord Stream dhe nuk kishte asnjë informacion në lidhje me ndonjë agjent pro-ukrainas që mund ta kishte bërë atë.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.