Gjermania ka përkujtuar 76 vjetorin e çlirimit të kampeve të përqendrimit, Buchenwald dhe Mittelbau-Dora, të dielën, në qytetin qendror të Weimar.
Presidenti gjerman, Frank-Walter Steinmeier, mbajti ceremoninë përkujtimore në Teatrin Kombëtar. Ai u shoqëruar nga kryeministri i Shtetit të Thuringia, Bodo Rameloë dhe presidenti i shtetit, Birgit Keller. Gjithashtu pritet te marrin pjesë dhe të mbijetuarit e Holokaustit, Eva Fahidi-Pusztai dhe Alex Hacker.
Gjatë fjalimit, Steinmeier theksoi se nuk duhet ta harrojnë “barbarinë” e Gjermanisë naziste, duke shtuar se “kushdo që nuk kujton të shkuarën, harron se çfarë mund të ndodhë në të ardhmen”.
Kreu i shtetit u bëri thirrje njerëzve të kundërshtojnë ata që “me qëllim shpërfillin dinjitetin e viktimave sot”. Gjithashtu ka shtuar se është e rëndësishme të mbash gjallë kujtimin e të vrarëve.
Çfarë ndodhi në Buchenwald?
Mes viteve 1937-1945, nazistët dërguan rreth 280 mijë njerëz nga e gjithë Evropa, në Bukenwald. Ku mbetën të vrarë të paktën 56 mijë të burgosur politikë. Pas masakrës së Kristallnacht të vitit 1938, shumë hebrenj u dërguan në këtë kamp.
Njerëz nga grupe të ndryshme, të shënjestruara nga nazistët, përfshirë polakë, sllavë, romë, sinti, komunistë, homoseksualë dhe njerëz me sëmundje mendore ose paaftësi fizike, u burgosën në Buchenwald.
Ata u vranë, u përdorën në eksperimente mjekësore dhe u zhdukën për shkak të urisë, sëmundjes dhe të ftohtit. Gjithashtu janë përdorur për të prodhuar armë, për regjimin nazist.
Në Mittelbau-Dora, e cila fillimisht ishte e lidhur me Buchenwald dhe më vonë u bë kamp i veçuar, rreth 60 mijë njerëz u burgosën dhe një e treta e të cilëve vdiqën atje.
Dita e çlirimit
Ushtria Amerikane hyri për herë të parë në kampin afër Weimar, më 11 prill 1945. Ku u gjetën 21 mijë të mbijetuar, duke përfshirë fëmijë dhe adoleshentë.
Kampi i përqendrimit, Buchenwald, u bë kampi më i madh i vdekjes, deri në fund të Luftës së Dytë Botërore.
Vitin e kaluar, përkujtimet e 75 vjetorit të çlirimit të Kampit të Përqendrimit u anuluan për shkak të pandemisë së koronavirusit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kandidati për kryetar bashkie dhe 5 të tjerë u vranë nga të shtënat në një tubim të fushatës në Meksikë
-
Vetëm 32% e izraelitëve e miratojnë Netanyahun, sipas sondazhit
-
Pezullohen negociatat për pengjet në Gaza
-
Turistët në Mbretërinë e Bashkuar braktisin Spanjën dhe Greqinë për Shqipërinë, thotë gjigandi turistik
Lajmet kryesore
-
Shqipëria “rrezikon përkeqësimin” e rezultateve në testin PISA – Intervistë e Albanian Post me Irida Xhurën, specialiste arsimi
-
Megaoperacioni i SPAK, zbardhen detaje nga akuzat për Durim Bamin
-
Kandidati për kryetar bashkie dhe 5 të tjerë u vranë nga të shtënat në një tubim të fushatës në Meksikë
-
Mbyllja e rrugëve ilegale s’po e ndalon hyrjen e armëve, Sveçla në kontradiktë me veten