Një studim i publikuar në revistën shkencore Journal of Internal Medicine është përpjekur t’i japë përgjigje pyetjes se: Çfarë ndodh me të infektuarit me COVID-19 pasi tamponi rezulton negativ?
Studiuesit, më konkretisht, vlerësuan se çfarë ka ndodhur gjashtë muaj pas infektimit dhe daljes negativ të tamponit.
Këtë, duke marrë parasysh pranimet e reja në spital, aksesin në dhomën e urgjencës, vizitat mjekësore, ekzaminimet laboratorike dhe instrumentale të të gjitha llojeve dhe konsumimin e barnave.
Rezultatet nuk kanë qenë qetësuese. Ato përfaqësojnë një moment të parë reflektimi mbi efektet afatgjata të pandemisë në Shërbimin Shëndetësor Kombëtar.
Pacientët u ndanë në grupe.
Ata që kaluan periudhën e shërimit në shtëpi, ata që ishin të shtruar në pavijone jo intensive dhe ata që iu drejtuan kujdesit të reparteve të reanimacionit.
Popullsia e marrë në analizë përbëhej nga 48 mijë e 148 qytetarë.
43 për qind e tyre nuk kishin shkuar në spitale, 54 për qind ishin trajtuar në reparte jo intensive dhe tre për qind ishin asistuar në kujdesin intensiv.
Sakaq, 64 për qind e atyre që e menaxhuan situatën në shtëpi ishin gra. 42 për qind në grupin e dytë dhe 22 për qind në të tretin.
Gjashtë muaj pasi tamponi rezultoi negativ, 1.2 për qind e të infektuarve që ishin infektuar me COVID-19 dhe e kishin kaluar në shtëpi ndërruan jetë. Dy për qind e atyre që ishin shtruar në reparte jo intensive dhe 0.7 për qind e atyre nën kujdesin intensiv.
Po në të njëjtën periudhë, 5.3 e atyre që ishin trajtuar në shtëpi, 10.9 për qind e atyre që ishin shtruar në spital dhe 16.3 për qind e atyre që ishin shtruar në terapi intensive, iu desh të drejtoheshin në një spital të ri.
Shumica e shtrimeve të reja u shkaktuan nga shkaqe kardio-respiratore, renale dhe neurologjike. Qasja në dhomën e urgjencës ishte gjithashtu shumë më e shpeshtë te ata që ishin shtruar në spital se sa te ata që qëndronin në shtëpi.
Më pas, autorët e studimit krahasuan të njëjtin grup njerëzish në të njëjtën periudhë kohore në vitin 2019, para pandemisë, për sa i përket konsumit të burimeve shëndetësore dhe barnave.
Edhe në këtë rast rezultatet janë befasuese. Vizitat mjekësore janë dyfishuar në krahasim me periudhën para pandeminë.
Prandaj, tabloja e përgjithshme është shumë kërkuese si për sa i përket shëndetit individual, ashtu edhe për shëndetin publik, duke marrë parasysh ndikimin e madh në marrjen e tij nga qytetarët.
Nevojitet një reflektim i kujdesshëm për shërbimet që do të përmirësohen, edhe sepse ky studim konfirmohet nga analiza të tjera të fundit që shkojnë në të njëjtin drejtim.
Gjendja post-COVID kërkon vëmendje dhe kujdes të veçantë.
Marrë nga “Corriere della Sera”, përshtatur nga “Albanian Post”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Si ia futën kot Osmani e Haxhiu për “padinë për gjenocid në Strasburg”, juristët përqeshin presidenten e ministren
-
Mbledhja e Këshillit Bashkiak, miratohet dhënia e titullit “Qytetar Nderi” për Ali Ahmetin
-
Trump: Netanyahu me të drejtë është kritikuar për sulmin e 7 tetorit
-
Qeveria dhe MCC lansojnë programin “Kompakt” për përmirësimin e sektorit të energjisë
Lajmet kryesore
-
Ekskluzive: Liburn Aliu e Naser Hafizi ia mbyllin kompanisë “Arbëria – Uji Alpet” borxhin prej 2.2 milionë eurove për vetëm 23 mijë euro
-
Veliaj: Analistët më sulmojnë se nuk u kam realizuar favoret e kërkuara
-
Zemërimi i të pafavorizuarve të Evropës – një votë në 3, pre e sovranistëve
-
BBC pyet Kurtin: Pse e latë Radoiçiçin të lirë kur e kishit rrethuar?