Fluturoi nën rrotat e avionit nga Afrika e Jugut drejt Amsterdam-it, burri i mbijeton udhëtimit
Policia holandeze ka bërë të ditur se e ka gjetur një person të gjallë në pjesën e rrotave të një avioni, që u ul në aeroportin Schiphol të Amsterdamit nga Afrika e Jugut.
Fluturimet nga Johanesburg në Amsterdam zgjasin rreth 11 orë dhe aeroplani i ngarkesave besohet se ka bërë një ndalesë, në Nairobi të Kenias.
Është shumë e pazakontë që turistët në fluturime të gjata të mbijetojnë, për shkak të të ftohtit dhe oksigjenit të ulët në lartësi të mëdha.
“Mosha dhe kombësia e burrit nuk janë përcaktuar ende”, thotë policia.
“Burri u gjet i gjallë në pjesën e rrotës së hundës së avionit dhe u dërgua në spital në një gjendje të qëndrueshme”, tha zëdhënësja e Policisë Ushtarake Mbretërore Hollandeze, Joanna Helmonds për agjencinë e lajmeve AFP.
“Është mjaft e habitshme që burri është ende gjallë”, tha ajo.
Një zëdhënës i transportuesit të mallrave Cargolux konfirmoi për Reuters se personi kishte qenë në një fluturim të operuar nga kompania, Cargolux.
Sipas të dhënave të fluturimit, i njëjti fluturim i mallrave i kompanisë Cargolux nga Johannesburg në Schiphol, gjithashtu bëri një ndalesë në Nairobi.
Nuk dihet nëse burri hipi në aeroplan në Afrikën e Jugut apo në Kenia.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Protestat në kampusin amerikan: Grupet rivale të protestës në Gaza përleshen në UCLA
-
Diplomatët shpresojnë për një marrëveshje ndërsa Izraeli zbut qëndrimin
-
Anketa e IRI për Kosovën: SHBA-të aleati më i rëndësishëm, Serbia kërcënimi më i rrezikshëm
-
Liria e medias “rrezikshëm afër pikës së thyerjes” në disa vende të BE-së
Lajmet kryesore
-
BE duhet të zgjerohet ose të përballet me ‘Perden e re të Hekurt’, paralajmëron Michel
-
Forcimi i gjyqësorit është investimi më i mirë për të ardhmen e Shqipërisë, thotë Gonzato
-
Liria e medias “rrezikshëm afër pikës së thyerjes” në disa vende të BE-së
-
Osmani kërkon mbështetjen e Zvicrës për anëtarësimin e Kosovës në KiE