Shoqata e Gastronomeve në Kosovë, përsëri ka paralajmëruar protesta, pas hyrjes në fuqi të masave të reja kundër pandemisë, krejt kjo pas pakënaqësive karshi vendimeve të Qeverisë.
Sekretari i Shoqatës së Gastronomëve të Kosovës, Arian Vranica, deklaroi se do të mbajnë takim me Këshillin drejtues për të marrë vendim pas masave të vendosura nga ekzekutivi.
“Ne do të mbajmë takim me Këshillin drejtues të shoqatës së Gastronomëve të Kosovës dhe t’i shqyrtojmë pozicionet tona në raport me këtë situate”.
“Propozimet që do të bëhen në raport me Qeverinë e Kosovës edhe në rast të mos përgjigjes e cila nuk po ndodh tash e një kohë të gjatë ku institucionet kanë rënë në gjumë dimëror”, deklaroi Vranica për EO.
Ndërsa, është shprehur se nëse gjendja vazhdon të jetë e qetë atëherë duhet të ketë lirim të masave sidomos në kohën e festave kur edhe vijnë bashkatdhetarët.
“Ose do të ketë hapje në rast të mos mbështetjes së gastronomeve me që rast po afrohet edhe diaspora dhe mund të konsiderohet infuzioni i vetëm ekonomik në raport me sektorin e gastronomisë ose të bëhet mbulimi i disa shpenzimeve dhe të shtyhet TVSh në shtije në 8% siç është deri me 31 dhjetor të këtij viti”.
Po ashtu, bëri të ditur se janë duke shqyrtuar mundësinë që të bëhen disa ndryshime ligjore sa i përket TVSh, e cila sipas tij duhet të shtyhet për vitin 2022.
“Realisht ne jemi duke shqyrtuar disa veprime përpara. Jemi tu dashtë me të gjitha grupet parlamentare të kuvendit për t’i inicuar disa ndryshime ligjore për shembull TVSh në shitje të shtyhet për aq sa të ketë pandemi së pakut edhe për një vit”.
Qeveria e Kosovës, më 30 nëntor, ka miratuar masat e reja anti-COVID.
Sipas masave të reja anti-Covid, shërbimet e gastronomisë lejohet të zhvillojnë aktivitetin e tyre nga ora 05:00 deri në orën 23:00, muzika lejohet vetëm deri në orën 21:30.
Në arsyetimin e Qeverisë thuhet se masat e reja janë ndërmarrë pas paraqitjes së variantit të ri Omicron.
Edhe me vendimin e masave të reja, maska mbetet obligative, me përjashtim të rasteve kur je duke drejtuar veturën i vetëm apo ke anëtarë të familjes në veturë, gjatë vrapimit e ushtrime fizike apo gjatë ngrënies apo pijes.
Që nga fillimi i pandemisë COVID-19, sektori i gastronomisë ka qenë sektori më i dëmtuar.
Ndryshe edhe më 23 tetor, Shoqata e Gastronomëve, i ka ftuar të gjithë gastronomët që të protestojnë para objektit të Qeverisë së Kosovës, për t’i kundërshtuar masat e reja anti-COVID-19, të ndërmarra nga Qeveria.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Yulia Navalnaya: Dua t’u jap shpresë rusëve dhe kam një mesazh për gangsterin Putin
-
Nafisi: Regjimi nuk është më i frikshëm, lufta është për liri
-
“Qeveri e korruptuar; shkoni në shpi; të krijohet Komision Hetimor Parlamentar” – Reagime të shumta pas raportimit të AP-së për hajninë multi-milionëshe të Liburn Aliut dhe Naser Hafizit
-
Çështja dinari: Bislimi e Petkoviç për herë të katërt takohen në Bruksel
Lajmet kryesore
-
“Qeveri e korruptuar; shkoni në shpi; të krijohet Komision Hetimor Parlamentar” – Reagime të shumta pas raportimit të AP-së për hajninë multi-milionëshe të Liburn Aliut dhe Naser Hafizit
-
Këshilli i Investimeve: Informaliteti më i lartë se në vitin 2019, ligji për të ardhurat do ta rrisë më tej
-
Izraelitët, palestinezët dhe një aksident rrugor: Çka ndan dy popuj, në një libër
-
Çështja dinari: Bislimi e Petkoviç për herë të katërt takohen në Bruksel