Një operacion policor i koduar nën siglën “Midnight”, ka çuar në pranga një person dhe ka bërë të procedohet penalisht bashkëpunëtorja e tij, pasi kishin ndihmuar dy emigrantë të jashtëligjshëm të kalonin në territorin shqiptar me qëllim kalimin drejt vendeve të Bashkimit Evropian.
Operacioni është zhvilluar nga Policia e Tiranës në bashkëpunim me Prokurorinë e Tiranës.
Informacionet janë siguruar në rrugë operative. Në to përflitej se disa shtetas po bashkëpunonin me njëri-tjetrin, me qëllim kalimin e emigrantëve nga vendet fqinje drejt Shqipërisë e më pas në vendet e tjera.
Në kuadër të këtij operacioni u bë arrestimi në flagrancë i shtetasit I. M., 51 vjeç, banues në Babrru, Tiranë, dhe u procedua penalisht bashkëpunëtorja e tij, shtetasja I. N., 35 vjeçe, për veprën penale “Ndihma për kalim të paligjshëm të kufijve”, kryer në bashkëpunim.
Shtetasi zbulohet se është kapur në zonën e Paskuqanit të Tiranë, duke transportuar dy emigrantë.
Shpërblimi monetar ishte i kërkuar, për të kryer kalimin e tyre drejt bashkësisë evropiane.
Në vijim të veprimeve u proceduan penalisht dhe 2 shtetasit e huaj, për veprën penale “Kalim i paligjshëm i kufirit shtetëror”.
Po punohet ndërkaq për dokumentimin e ngjarjen dhe implikimin e personave të tjerë.
Materialet i kanë kaluar Prokurorisë së Tiranës për procedim.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Greqia nuk do të dërgojë sisteme të mbrojtjes ajrore në Ukrainë pavarësisht presionit të BE-së
-
Bardhi i përgjigjet Ramës: Do ta kuptojë shumë shpejt nëse kam bërë apo jo kallëzim në SPAK
-
Basha: Ja vija blu që të bashkohemi rreth një alternative
-
Rama: Kallëzimi i pabërë i Bardhit iu shit si sapun për djathë italianëve