Biblioteka dhe Muzeu Presidencial Abraham Lincoln në Springfield, do të festojë ‘Juneteenth’, duke shfaqur një kopje të rrallë të Shpalljes së Emancipimit.
Juneteenth – e njohur gjithashtu si Dita e Emancipimit dhe Dita e Lirisë – është një festë përkujtimore që shënon fundin e skllavërisë në Shtetet e Bashkuara të Amerikës.
Kopja e shpalljes që është nënshkruar nga Presidenti Lincoln dhe Sekretari i Shtetit, William Seward do të shfaqet nga data 15 qershor deri në 6 korrik.
Dokumenti origjinal ruhet në Arkivat Kombëtare të Washington, D.C-së.
Më 19 qershor të 1865, më shumë se dy vite pasi Lincoln nënshkroi Proklamatën e Emancipimit gjatë Luftës Civile, skllevërit me ngjyrë në Galveston, Texas, u liruan me mbërritjen e trupat federale.
Megjithëse skllavëria nuk u shfuqizua plotësisht deri në Amendamentin e 13-të, që erdhi gjashtë muaj më vonë, Juneteenth është krijuar për të simbolizuar fundin e skllavërisë.
Në maj, Illinois e shpalli Juneteenth si festë shtetërore.
“Pak dokumente në të gjithë historinë amerikane mbajnë peshën e Shpalljes së Emancipimit. Ne jemi krenarë që po e ndajmë me publikun dhe kujtojmë lidhjen e saj me një festë kaq të gëzueshme”, tha Melissa Coultas, drejtoresha ekzekutive e bibliotekës dhe muzeut, në një njoftim për shtyp.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
O’Brien kërkon nga Kurti “progres urgjent” për Asociacionin
-
Dokumentari i Rai-t, Rama: Kur sulmohet Shqipëria, e pamundur të mos reagoj
-
Gjysmë ore para mbylljes së votimit, pjesëmarrja 48.27%
-
Kushtëzimi i KiE-së me Asociacionin nga Franca e Gjermania po ndodh me pajtimin dhe bekimin e plotë të Qeverisë