![](https://albanianpost.com/wp-content/uploads/2023/12/412826561_703167891992788_536328869746416791_n.jpg)
Pas kërkesës së autoriteteve të Shqipërisë, të premten një kontingjent i specializuar i Forcës së Sigurisë së Kosovës (FSK), ka zbarkuar për një mision humanitar të kërkim-shpëtimit për gjetjen dhe nxjerrën e trupit të shtetasit të Kosovës që humbi jetën tragjikisht në lumin Buna.
Lajmin e ka bërë të ditur FSK-ja përmes një shkrimi në rrjetin social ‘Facebook’.
“Kontingjenti i specializuar i FSK-së dërgohet në Shqipëri për gjetjen e trupit të shtetasit të Kosovës të zhdukur në lumin Buna”.
“Me kërkesë të autoriteteve të Republikës së Shqipërisë, sot në orët e para të mëngjesit një kontigjent i specializuar i Forcës së Sigurisë së Kosovës ka zbarkuar për një mision humanitar të kërkim-shpëtimit për gjetjen dhe nxjerrjen e trupit të shtetasit të Kosovës që humbi jetën tragjikisht në lumin Buna”, është thënë nga FSK-ja.
Të dielën derisa po peshkonte në bregun e lumit Buna në Shkodër, dyshohet se aksidentalisht ka rrëshqitur dhe ka rënë në ujërat e lumit, 65 vjeçari nga Mitrovica.
Shërbimet e Policisë shqiptare kishin shkuar menjëherë në vendngjarje për gjetjen e trupit të 65-vjeçarit por deri më tani nuk kishin sjellë ndonjë rezultat.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Sveçla për Enver Zymberin: Ai u kthye në shembullin e motivin e qindra vajzave dhe djemve të Kosovës
-
Konjufca, Gërvalla e Bislimi bëjnë homazhe pranë lapidarit të policëve të rënë në krye të detyrës
-
Kurti në 13 vjetorin e rënies së Enver Zymberit: Hero i ligjshmërisë dhe sovranitetit
-
Digjen dy vetura në Zveçan