Sezoni i pranverës është ndër stinët më të bukura. Njerëzit janë gjithmonë në kërkim të vendeve të qeta. Ndër fshatrat më të bukur për t’u vizituar këtë sezon janë këto:
Vermosh
I vendosur në një nga luginat e Bjeshkëve të Nemuna, fshati ofron një shkëputje nga jeta e qytetit me ajrin e tij të pastër, gjelbërimin dhe panoramat e lumit Cem.
Theth
Fshati malor Theth, është ndër fshatrat më perfekt për tu vizituar.
Spektakli natyror me majat e larta, kisha në qendër të fshatit, peizazhi i harlisur, ujëvarat apo edhe mikpritja e vendasve e bëjnë këtë zonë të duket se i përket një tjetër kohe
Lin
Të parën gjë që do të shikoni rrugës për në Pogradec, mbasi keni zbritur qafën e Thanës, janë çatitë e kuqe dhe emblematike të fshatit piktoresk.
Lini ndodhet në brigjet e Liqenit të Ohrit, dikur i quajtur “Liqeni i Dritës” sepse drita e diellit dhe e hënës ndriçojnë plotësisht sipërfaqen e saj gjatë gjithë vitit.
Bukuria e kësaj zone nuk është vetëm natyrore, këtu gjendet edhe një nga mozaikët më të vjetër në rajonin e Evropës Lindore, që daton që nga shekulli i 4-të.
Bënjat e Përmetit
I ndodhur vetëm 3 km afër Përmetit, qytetit të trëndafilave, fshati magjik i Bënjës ofron shumë arsye për ta vizituar atë.
Përveç vaskave të famshme termike, të pasura me ujë sulfurik dhe përfitime të panumërta shëndetësore, ura e Katiut që qëndron mbi lumin Langarica dhe kanionet me të njëjtin emër, si edhe kisha ortodokse e shekullit të 18-të përfaqësojnë vetëm disa nga atraksionet e fshatit, bukuria e së cilës rritet edhe më shumë në sezonin e vjeshtës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
As në takimin e pestë s’ka marrëveshje për dinarin – Lajçak do të dalë me një propozim të ri
-
Si arriti Vjosa Osmani t’i fusë 4 gratë e përdhunuara gjatë luftës në Këshillin e Sigurimit përballë Vuçiç
-
Kush është shefi kur bëhet fjalë për mbrojtjen: NATO apo BE?
-
‘Marifeti’ i Bardhit ndaj Olsi Ramës – Prova pa kallëzim, për të shmangur procesin për shpifje