Lajme

Frika nga pushtimi rus/ Administrata Biden, opsione për evakuimin e qytetarëve amerikanë nga Ukraina


Administrata e Presidentit të SHBA-ve, Joe Biden është duke eksploruar opsione për një evakuim të mundshëm të qytetarëve amerikanë nga Ukraina nëse Rusia do të pushtonte vendin dhe do të krijonte një situatë të tmerrshme sigurie, thanë për agjencinë amerikane “CNN”, disa burime.

Sipas burimeve, planifikimi i emergjencës udhëhiqet nga Pentagoni, dhe vjen ndërsa administrata informon Kongresin se si po përgatiten SHBA-të.

Është ende e paqartë nëse presidenti rus, Vladimir Putin ka marrë vendimin për të pushtuar, theksuan zyrtarët amerikanë.

“Ai ka grumbulluar mjaft forca, pajisje dhe furnizime pranë kufijve të Ukrainës, saqë ai mund të lëvizë për të sulmuar përmes një njoftimi shumë të shkurtër”.

Administrata nuk sheh aktualisht nevojë për evakuime, theksuan burimet.

“Linjat ajrore janë ende duke operuar nga aeroportet ndërkombëtare të Ukrainës dhe kufijtë tokësorë me fqinjët perëndimorë të Ukrainës janë të hapur. Diskutimet janë pjesë e planifikimit në rast se situata e sigurisë përkeqësohet rëndë”, theksuan shumë zyrtarë.

Departamenti i Mbrojtjes dhe Departamenti i Shtetit kanë plane të gatshme për skenarët e rasteve më të këqija në vendet anembanë botës, dhe planet janë përditësuar dhe ndryshuar në dritën e situatës në terren.

Një evakuim i stafit diplomatik nga Ukraina mbetet shumë i pamundur.

Edhe nëse Ukraina nuk është anëtare e NATO-s, Shtëpia e Bardhë e sheh vendin si një aleat kyç të Evropës Lindore dhe ka një përfitim strategjik në praninë e diplomatëve amerikanë dhe forcave stërvitore në Ukrainë.

Kjo e bën të tërhequr SHBA-të, në krahasim me Afganistanin ku tërhoqi diplomatët dhe trupat amerikane.

Kiev, i cili është i vetmi qytet ku SHBA ka një prani diplomatike në Ukrainë, është qindra milje larg Krimesë ose kufirit Ukrainë-Rusi, ku Moska ka ngritur forcat. Një veprim i tillë do të ishte një fitore propagandistike për Putinin.

Diskutimet pasqyrojnë se sa seriozisht po e merr administrata potencialin për një pushtim. Presidenti, Joe Biden, ka folur me Putin mes tensioneve të rritura.

Tani për tani, Pentagoni po planifikon për një sërë skenarësh të ndryshëm në rast se një evakuim është i nevojshëm, duke filluar nga një evakuim më i vogël i punonjësve jo thelbësor të qeverisë amerikane deri te një më i madh që përfshin një pjesë më të gjerë të qytetarëve amerikanë, thanë burimet.

Departamenti i Shtetit do të ishte përgjegjës për të përcaktuar përfundimisht nëse një operacion evakuimi është i nevojshëm. Tani për tani njëfarë planifikimi është duke u zhvilluar nga sigurimi diplomatik i Departamentit të Shtetit për një largim të autorizuar ose të urdhëruar të diplomatëve nga vendi nëse situata e kërkon këtë, tha një burim.

“Ne nuk e dimë që Putini ka vendosur të përdorë forcën, por ajo që dimë është se ai po e vendos ushtrinë ruse dhe forcat ruse të sigurisë në një vend ku ata mund të veprojnë në një mënyrë mjaft gjithëpërfshirëse”, tha drejtori i CIA-s.

Bill Burns tha në një Samit të Këshillit të CEO të Wall Street Journal të hënën.

Disa burime vunë në dukje se “stuhia e planifikimit vjen pas evakuimit masiv të SHBA-ve nga Afganistani, të cilin ligjvënësit e kritikuan si të planifikuar keq pasi u shfaqën imazhe që tregonin kaos në aeroportin e Kabulit”.

Megjithatë, zyrtarët theksuan se çdo evakuim i mundshëm në Ukrainë ka të ngjarë të mos i ngjajë përpjekjeve masive të SHBA-ve për të evakuuar të gjithë qytetarët amerikanë nga Afganistani në fillim të këtij viti.

Nuk është e qartë se sa civilë amerikanë ndodhen aktualisht në Ukrainë. Qytetarëve amerikanë nuk u kërkohet të regjistrohen në Departamentin e Shtetit kur të zhvendosen jashtë vendit.

Në mënyrë tipike, nëse një situatë sigurie përkeqësohet, Ambasada e SHBA-ve dërgon mesazhet e saj për qytetarët amerikanë për t’i këshilluar ata të largohen nga vendi me fluturime komerciale dhe do të ofrojë ndihmë për ata që nuk janë në gjendje ta përballojnë këtë.

Ambasada e SHBA-ve në Kiev nuk ka lëshuar asnjë këshillë të re që u kërkon qytetarëve amerikanë të konsiderojnë largimin nga Ukraina.

Alarmi i fundit i sigurisë u lëshua në fund të nëntorit, duke këshilluar qytetarët amerikanë “për raporte shqetësuese për aktivitet të pazakontë ushtarak rus pranë kufijve të Ukrainës dhe në Krimenë e pushtuar”.

Departamenti i Shtetit ka paralajmëruar prej kohësh qytetarët amerikanë që të mos udhëtojnë në Krime për shkak të konfliktit dhe i gjithë vendi aktualisht është në nivelin 4 të këshillimit, “Mos Udhëtoni për shkak të pandemisë Covid-19”.

Disa burime paralajmëruan se çdo përpjekje evakuimi nga Ukraina, nëse bëhet nën presionin ushtarak nga Rusia, do të ishte një sfidë logjistike shumë komplekse. Një vlerësim i fundit i inteligjencës amerikane zbuloi se Rusia mund të përgatitet për të pushtuar që në fillim të muajit të ardhshëm me deri në 175 mijë trupa nga pozicionet pranë kufijve jugorë, perëndimorë dhe verilindorë të Ukrainës.

Në Capitol Hill, dhe në disa qoshe të Pentagonit, po rritet presioni që Shtetet e Bashkuara të ofrojnë raketa të reja antitank për Ukrainën, diçka që pothuajse me siguri nuk do të bënte një ndryshim strategjik në aftësinë e Ukrainës për t’u mbrojtur.

Marrë nga CNN, përshtatur për Albanian Post

/Albanianpost.com

Lajmet kryesore