![](https://albanianpost.com/wp-content/uploads/2021/12/FHs_5MrXMAIJgeP.jpg)
Autoritetet franceze kanë urdhëruar mbylljen e një xhamie në veri të vendit, për shkak të natyrës radikale të predikimit të imamit të saj.
Këtë lajm e bëri të ditur Agjencia Franceze e Lajmeve (AFP) të martën e 28 dhjetorit.
Xhamia në Beauvais, një qytet me 50 mijë banorë rreth 100 kilometra në veri të Parisit, do të qëndrojë e mbyllur për gjashtë muaj.
Kjo, sipas prefekturës së rajonit Oise, ku ndodhet Beauvais.
Sipas autoriteteve, predikimet nxisnin urrejtje, dhunë dhe “mbrojtje të xhihadit”.
Lëvizja vjen dy javë, pasi ministri i Brendshëm francez, Gerald Darmanin, nisi procedurën për mbylljen e xhamisë.
Imami synonte gjatë predikimit të tij “të krishterët, homoseksualët dhe hebrenjtë”.
Për Darmanin, kjo sjellje ishte “e papranueshme”.
Autoritetet lokale ishin të detyruara ligjërisht të fillonin një periudhë 10-ditore të mbledhjes së informacionit.
Kohë, përpara se të ndërmerrnin veprime, por i thanë AFP-së të martën se xhamia do të mbyllej brenda dy ditësh.
E përditshmja lokale “Courrier Picard” raportoi se imami i xhamisë ishte një i konvertuar kohët e fundit në Islam.
Rreth 100 xhami dhe salla të lutjeve myslimane, nga më shumë se 2 mijë 600 gjithsej, janë hetuar gjatë muajve të fundit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Parisi i dhuron botës ceremoninë më madhështore në historinë e Lojërave Olimpike
-
Ethet Oropuche, dy vdekjet e para në botë regjistrohen në Brazil
-
Kina dhe Rusia organizojnë patrullën e parë të përbashkët bombarduese pranë Alaskës
-
Tre anëtarë të dyshuar të IS në Belgjikë akuzohen për planifikimin e një sulmi terrorist