Franca e ka mposhtur Poloninë në fazën e 1/8-ve të finales në Kupën e Botës me rezultat 3:1.
Franca e nisi shumë mirë ndeshjen duke e kontrolluar në përgjithësi lojën, megjithatë rasti i parë serioz për gol ishte për polakët.
Ishte minuta e 21-të e takimit, kur Polonia rrezikoi me anë të Robert Leewandowski-t, por goditja e tij përfundoi jashtë.
Nëntë minuta më vonë, francezët rrezikuan përmes Olivier Giroud, mirëpo edhe gjuajtja e tij shkoi jashtë.
Ndërsa në minutën e 38-të, u regjistrua rasti më i mirë për Poloninë, por Piotr Zielnskit nga një distancë e afërt, e qëlloi në trup portierin Hugo Lloris.
Goli i epërsisë për Francën u shënua në minutën e 44-të, ku Kylian Mbappe asistoi te Giroud, që realizoi për 1:0.
Sulmuesi i Milan-it, me këtë gol u bë golashënuesi më i mirë në histori të Francës, duke kaluar Thierry Henry-n i cili ishte i pari me 51 gola.
Pjesa e parë përfundoi me këtë gol, derisa në të dytën polakët provuan të rikthehen në lojë.
𝘈𝘭𝘭 𝘩𝘢𝘪𝘭 𝘵𝘩𝘦 𝘬𝘪𝘯𝘨! 👑
Les Bleus take the lead in the 44th minute!! 😍
Thanks to that strike, @OlivierGiroud becomes France's 𝘼𝙇𝙇-𝙏𝙄𝙈𝙀 𝙇𝙀𝘼𝘿𝙄𝙉𝙂 𝙎𝘾𝙊𝙍𝙀𝙍 with 5️⃣2️⃣ goals 🇫🇷
🇫🇷1-0🇵🇱 #FRAPOL | #FiersdetreBleus pic.twitter.com/7Cfde6zLYF
— French Team ⭐⭐ (@FrenchTeam) December 4, 2022
Megjithatë, Franca arriti të shënonte edhe njëherë me Kylian Mbappe, i cili e shënoi një gol shumë të bukur në minutën e 74-të.
23-vjeçari mori një pasim të mirë nga Ousmane Dembele, i cili me një goditje të fortë në hyrje të zonës, e mposhti portierin polak, Wojciech Szczesny-n.
Pas këtij goli, polakët si duket u dorëzuan dhe pësuan edhe një gol tjetër në minutën e parë shtesë.
He's only gone and done it again! 🤯
Another missile from Mbappé!! 🚀
🇫🇷3-0🇵🇱 | #FRAPOL | #FiersdetreBleus pic.twitter.com/7zWMCBuP78
— French Team ⭐⭐ (@FrenchTeam) December 4, 2022
Ishte përsëri Mbappe, i cili e shënoi një gol të mrekullueshëm, që ishte i pesti për të në këtë Kampionat Botëror, ndërsa i nënti në total.
Vlen të theksohet se me këta dy gola, Mbappe tani e ka parakaluar legjendën braziliane, Pele, për golat e shënuara në Kampionate Botërore.
Pele tani ka tetë gola, ndërsa Mbappe nëntë.
Kylian Mbappe passes Pele for most World Cup goals scored by a men's player before turning 24 years old (8) 😮👏 pic.twitter.com/uJLZDH6LWO
— ESPN FC (@ESPNFC) December 4, 2022
Krejt çka bëri Polonia, ishte goli i nderit në këtë ndeshje, të cilin e arritën në minutat e fundit shtesë.
Fillimisht Lewandowski humbi penalltinë ndaj Lloris, por ajo u përsërit pasi që portieri francez lëshoi portën para kohe, derisa në tentimin e dytë, sulmuesi polak shënoi për 3:1.
Tani Franca kualifikohet në çerekfinale të Kupës së Botës, ku tani e pret fituesin e duelit Angli – Senegal.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Begaj takon Tajanin, theksojnë partneritetin strategjik dhe vlerat ndërkombëtare që ndajnë
-
Raportimi i Kathimerini hedh hije dyshimi mbi vizitën e Ramës në Athinë
-
Turqia zyrtarizon ndalimin e tregtisë me Izraelin
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit