Formacioni më i mirë në botë U-18, dominon Barcelona

Barcelona duket se ka talentet më premtues në botë në skuadër. La Masia njihet për prodhimin e lojtarëve me cilësi të mëdha në futbollin botëror. Lionel Messi, Xavi, Andres Iniesta, Sergio Busquets, Gerard Pique, Mauro Icardi, Andre Onana, Dani Olmo e shumë të tjerë kanë qenë pjesë e akademisë së tyre.

Akademia e Barcelona- duket se ende do të vijojë të nxjerrë talente me emër. Në një formacion të krijuar nga spanjollja “Marca” për lojtarët më të mirë U-18, klubi blaugrana donimon me pesë futbollistë.

Formacioni

Portier

Dogan Alemdar – Rennes. Turku 18-vjeçar u ble këtë verë nga Rennes për 3.5 milionë euro te Kayserispor.

Mbrojtës

Valentino Livramento – Southamton. 18-vjeçari numëron shtatë paraqitje në Premier League këtë sezon. Ai u ble nga Chelsea U-23 për 5.9 milionë euro dhe vlera e tij ka shkuar në 12 milionë euro.

Kaiky – Santos. 17-vjeçari numëron nëntë paraqitje në Serie A braziliane. Vlera e tij është 6 milionë euro.

Alex Balde – Barcelona. 17-vjeçari ka bërë një paraqitje në La Liga dhe një në Champions League. Vlera e tij është 5 milionë euro.

Mesfushorë

Eduardo Camavinga – Real Madrid. Francezi 18-vjeçar është një emër i njohur pasi ka së paku dy sezone që i përmendet emri në arenën ndërkombëtare të futbollit. Spanjollët paguan 40 milionë euro të Rennes-i për të marrë kartonin e tij. Vlera e tij është 55 milionë euro.

Pedri – Barcelona. 18-vjeçari, mund të jetë talenti më premtues i momentit që ka Spanja. Mesfushori i Barcelona-s dhe Kombëtares spanjolle ishte i padiskutueshëm në formacionin bazë të klubit dhe kombëtares në sezonin e kaluar në çdo kompeticion. Vlera e tij është 80 milionë euro.

Jude Bellingham – Borussia Dortmund. Një nga xhevahirët e shumtë që ka Dortmund-it në skuadër. Mesfushori anglez 18-vjeçar është pjesë e pandarë e formacionit të verdhezinjëve. Para një viti gjermanët paguan 23 milionë euro te Birminhgam-i për të marrë shërbimet e tij. Ai aktualisht kushton rreth 70 milionë euro.

Gavi – Barcelona. 17-vjeçari është një nga zbulimet e fundit të Barcelona-s dhe në futboll. Ai spikati gjatë përballjes së Barcelona-s me Bayern Munich-un në Champions League. Gjithshtu u thirrë edhe nga Kombëtarja e Spanjës për ndeshjet e tetorit dhe luajti të dy ndeshjet. Vlera e tij është 25 milionë euro.

Sulmues

Jamal Musiala – Bayern Munich. Supertalenti gjerman 18-vjeçar para një viti do të kishte në dorë dy oferta, të luante për Kombëtaren e Gjermanisë apo Anglisë. Përfundimisht zgjodhi Gjermaninë. I rritur mes akademive të Southampton-it, Chelsea-t dhe Bayern-it, Musiala është ndër lojtarët më premtues në botë.

Këtë sezon në Bundesliga ka luajtur gjashtë ndeshje. Ka shënuar dy gola dhe ka dhuruar dy asiste. Vlera e tij është 55 milionë euro.

Florian Wirtz – Bayer Leverkusen. Një tjetër supertalent gjerman. 18-vjeçari zuri vendin e të larguarit Kai Havertz dhe duket se e zëvendësoi më së miri. Ai tashmë është dhe pjesë e Kombëtares së Gjermanisë. Këtë sezon numëron gjashtë paraqitje, katër gola dhe pesë asiste në Bundesliga. Vlera e tij është 65 milionë euro.

Ansu Fati – Barcelona. 18-vjeçari sikur të mos ishte dëmtuar, mund të ishte talenti më i madh në botë për moshën e tij. Do të ishte rivali i dyshes Kylian Mbappe – Erling Haaland. Megjithatëpas dëmtimit ai është rikthyer dhe premton ende shumë. Në La Liga këtë sezon numëron dy paraqitje dhe një gol. Vlera e tij është 65 milionë euro.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.