Fondacioni “Archewell” i Meghan Markle dhe Princ Harry cilësohet si “delekuent” nga organet e shtetit

Meghan Markle dhe Princi Harry janë urdhëruar të ndalojnë kërkimet ose shpenzimet për Fondacionin e tyre “Archewell” pasi u deklaruan delikuentë nga Regjistri i Bamirësisë dhe Mbledhja e Fondeve në Kaliforni.

Një burim i afërt me Archewell zbuloi për People, transmeton AlbanianPost – se çeku fillestar u dërgua, por nuk u mor. Fondacioni pret që çështja të zgjidhet shpejt.

Më 3 maj, Prokurori i Përgjithshëm i Kalifornisë Rob Bonta lëshoi një njoftim për delikuencë në emër të Regjistrit të Organizatave Bamirëse dhe Mbledhësve të Fondeve për Fondacionin “Archewell”.

Sipas dokumentit, organizata “është e listuar si delikuente në Regjistrin e Organizatave Bamirëse dhe Mbledhësve të Fondeve për dështimin e dorëzimit të raporteve të kërkuara vjetore dhe/ose tarifave të rinovimit”.

“Një organizatë që renditet si delikuente nuk është në gjendje të mirë dhe i ndalohet të angazhohet në sjellje për të cilat kërkohet regjistrimi, duke përfshirë kërkimin ose disbursimin e fondeve bamirëse”, përshkruan letra.

“Organizata gjithashtu mund t’i nënshtrohet gjobave dhe regjistrimi i saj mund të pezullohet ose revokohet nga Regjistri. Pasi të dorëzoni të dhënat e vonuara, do të njoftoheni për shumën e çdo tarife të vonuar që ju detyrohet”, thuhet tutje në letër.

Letra e 3 majit nga Prokurori i Përgjithshëm nëpërmjet Departamentit të Drejtësisë së Kalifornisë rendit adresën e fondacionit si të regjistruar në Beverly Hills, Kaliforni, e cila është rreth dy orë nga shtëpia e Dukës dhe Dukeshës së Sussex në Montecito.

Fondacioni “Archewell” është një organizatë jofitimprurëse e krijuar nga Princi Harry, 39 vjeç dhe Meghan, 42 vjeçe, pas largimit të tyre nga rolet e tyre mbretërore në vitin 2020.

“Misioni ynë është i thjeshtë: paraqituni, bëni mirë. Ne e takojmë momentin duke u paraqitur, duke ndërmarrë veprime dhe duke përdorur vëmendjen tonë të pashembullt për të ngritur dhe bashkuar komunitetet – lokale dhe globale – përmes akteve të shërbimit dhe dhembshurisë”, thotë uebfaqja e saj.

Princi Harry dhe Meghan më parë thanë se “Archewell” ishte frymëzuar nga “arche”, fjala greke që do të thotë “burim veprimi” dhe i paraprin emrit të djalit të tyre 5-vjeç, Princ Archie.

Fondacioni Archewell ndau dy përditësime gjatë udhëtimit të Harry-t dhe Meghan-it në Nigeri nga 10 maji deri më 12 maj. Vizita ishte domethënëse si turneu i tyre i parë ndërkombëtar që kur u tërhoqën nga rolet e tyre mbretërore në vitin 2020, dhe çifti udhëtoi me ftesë të shefit nigerian i Shtabit të Mbrojtjes, zyrtari më i lartë ushtarak i vendit.

Në Akademinë “Lightway” në Abuja, më 10 maj, u njoftua se Fondacioni “Archewell” po zgjeron partneritetin e tij me Fondacionin GEANCO. Nisma tani do të përfshijë burime të shëndetit mendor dhe trajnime për të rinjtë, dhe Duka dhe Dukesha e Sussex folën të dy në samitin inaugurues të shëndetit mendor që partneriteti bëri të mundur.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.