Ministrja e Infrastrukturës dhe Energjisë, Belinda Balluku, ndoqi nga afër testimin për mënyrën e uljes së avionëve në Aeroportin e Kukësit.
“Po kryhet një fluturim prove për të dizenjuar procedurat. Kjo është një procedurë standarde, e cila simulon uljen e avionit në rast se avioni ka një defekt për të parë se si do të reagojë infrastruktura”.
Gjithashtu, gjatë ditëve në vijim, do të kryhen disa procedura të ngjashme për të testuar infrastrukturën. Punimet kanë ecur edhe për sa i përket terminalit. Njoftohet se po punohet me ritme të shpejta. Sjellim në vëmendje se Aeroporti i Kukësit do të jetë aeroporti i dytë ndërkombëtar në Shqipëri.
Ministrja e Infrastrukturës dhe Energjisë pohoi se, pas disa ditësh, përfundojnë rezultatet nga gara e Aeroportit të Vlorës. Në ditët në vijim, do t`u jepet start kushteve të negocimit të kontratës.
Balluku shtoi se brenda mandatit tjetër 4-vjeçar pritet që të fillojë ndërtimi i Aeroportit të Sarandës dhe të Korçës.
Për shkak të pandemisë, aviacioni është goditur nga pandemia, ka pësuar humbje në trafik, në pasagjerë dhe ka pasur shumë pak fluturime.
“Dëmi ka qenë i madh. Edhe pse në pandemi kemi bërë shumë përparim në fushën e aviacionit”, përmbylli Balluku.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Thaçi: Ëndrra ime është që të gjithë shqiptarët të jetojnë në një shtet
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Aksioni i Frontex në Ballkan jep efekt, bien drastikisht kalimet e jashtëligjshme
-
Peleshi viziton qendrën e Inovacionit të Kërkimit dhe Mbrojtjes në Hungari
Lajmet kryesore
-
Aksioni i Frontex në Ballkan jep efekt, bien drastikisht kalimet e jashtëligjshme
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Ose të dëgjojë SHBA-të ose të përgatitet për përshkallëzim – zgjedhja i takon Izraelit
-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE