Në qytetin e Prizrenit në Kosovë filloi edicioni i 21-të i Festivalit Ndërkombëtar të Filmit Dokumentar dhe të Shkurtër “DokuFest”.
Në kuadër të festivalit do të ketë 250 dokumentarë dhe filma të shkurtër me temën “How to survive?” (Si të mbijetoni), krahas shfaqjeve të filmave do të organizohen ‘workshope’, panele, ekspozita të fotografive, konferenca dhe koncerte.
250 filma nga 58 shtete, që garojnë në kategoritë: “Balkan Dox”, “International Feature Dox”, “International Short Dox”, “International Shorts”, “Human Rights Dox”, “Green Dox”, “Truth Dox” dhe “National”.
Festivali do të përfundojë me 13 gusht dhe në ditën e fundit do të ndahen çmimet për fituesit në 8 kategori.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
