![](https://albanianpost.com/wp-content/uploads/2022/11/fuck-.jpg)
Në zhveshtoren e kombëtares së Serbisë në Katar, para ndeshjes me Brazilin u shfaq një flamur fashist me ngjyra nacionale të Serbisë dhe me hartën e Kosovës brenda.
Të shtunën më datën 26 nëntor, FIFA është përgjigjur për Albanian Post, ku informon se procedura diciplinore për Kombëtaren e Serbisë ka filluar.
“Komiteti Disiplinor i FIFA-s ka hapur procedurat kundër Federatës së Futbollit të Serbisë për shkak të një flamuri të shfaqur në dhomën e tyre të zhveshjes me rastin e ndeshjes Brazil – Serbi në Kupën e Botës të luajtur më 24 nëntor. Procedurat u hapën në bazë të nenit 11 të Kodit Disiplinor të FIFA-s dhe nenit 4 të Rregullores për Kupën e Botës FIFA 2022”, thuhet në përgjigjen e FIFA-s.
Çfarë ndodhi?
Brenda zhveshtores së ekipit futbollistik serb në Katar është fotografuar një flamur me ngjyra të Serbisë dhe me hartën e Kosovës.
Flamuri fashistë përveç në kabinën e futbollistëve serbë është parë edhe në duar të tifozëve atje.
Një nga fotografitë është bërë para stadiumit “Lusail” ku Serbia luajti kundër Brazilit.
Flamuri-baner përmban simbole rreth të cilave organizohet gjuha fashiste dhe ksenofobike e serbëve ndaj shqiptarëve.
Një retorikë e tillë ishte e theksuar ndejshëm në vitet 90-ta para dhe gjatë luftërave në Jugosllavi.
Kosova është e pranuar në FIFA, derisa shtëpia e futbollit në të kaluarën është treguar shumë e ashpër me simbole dhe mesazhe të tilla.
Ndryshe, Serbia e humbi ndeshjen ndaj Brazilit me dy golat e shënuar nga sulmuesi i ekipit anglez Tottenham Hotspur, Richarlison.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Artikulli i UEFA-s për stadiumin “Air Albania”: Investimi gjigant që ka transformuar infrastrukturën sportive në Shqipëri
-
Trajnerët më të paguar në Euro 2024: Southgate në krye, Sylvinho i 16-ti
-
Eurodeputetët me sjellje të keqe, një galeri mashtruesish
-
Orsato shpallet gjyqtari më i mirë në Kupën e Botës