Vaksina Pfizer do të inokulohet edhe te moshat 12 deri në 15 vjeç. Sipas administratës së Ushqimit dhe Barnave (FDA), është dhënë autorizimi për këtë vaksinë dhe ky është “një hap i rëndësishëm në luftën kundër pandemisë Covid-19”.
Ndërkohë, komisionerja e FDA-së, Janet Woodcock, u shpreh se lëvizja kishte për qëllim “të na sjellë afër normalitetit dhe t’i japë fund pandemisë”.
Rreth 260 milionë doza janë inokuluar në SHBA, por kërkesa ka rënë.
Woodcock shtoi në deklaratën e saj se “prindërit dhe kujdestarët mund të jenë të sigurt se agjencia ndërmori një rishikim rigoroz dhe të plotë të të gjitha të dhënave në dispozicion, siç kemi me të gjitha autorizimet tona të përdorimit të urgjencës së vaksinës Covid-19”.
Njoftimi i FDA-së zgjeron përdorimin emergjent të vaksinës në moshat 16-vjeçare të SHBA-ve.
Vendimi pason një provë klinike nga Pfizer dhe BioNTech, që përfshin 2 mijë e 260 fëmijë të moshës 12-15 vjeç. Pjesëmarrësit morën dy doza të vaksinës, ose një placebo.
Kishte 18 raste të infeksionit simptomatik të coronavirus-it në grupin placebo dhe nuk u gjet asnjë provë nga fëmijët që morën vaksinën.
Vula e miratimit të FDA-së nuk është hallka përfundimtare rregullatore. Një panel këshillimor i Qendrave për Kontrollin dhe Parandalimin e Sëmundjeve (CDC) do të shqyrtojë të dhënat së shpejti.
Imunizimet mund të fillojnë menjëherë nëse komiteti CDC-së miraton përdorimin e vaksinës tek adoleshentët.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
