Familja e Avicii-t i ka shitur 75 për qind të të drejtave për regjistrimet dhe publikimet e tij kompanisë suedeze të argëtimit, Pophouse.
Pophouse u krijua nga ylli i Abba-s, Björn Ulvaeus në vitin 2014 dhe drejton shfaqjen Abba Voyage në Londër.
Kompania ka zbuluar edhe shifrat e shitjeve për koncertin virtual novator për herë të parë me 650 mijë bileta të shitura dhe më shumë se 160 shfaqje të shitura.
Avicii lindi në vitin 1989 dhe u bë i njohur pasi publikoi këngë që kishte bërë në dhomën e tij të gjumit në Stokholm.
Ai e veçoi veten nga bashkëmoshatarët e tij duke shkruar këngë dhe shënoi një hit të madh ndërkombëtar me “Wake Me Up”.
Ai vazhdoi të prodhonte muzikë për Madonna-n dhe Coldplay-n dhe u bë një nga DJ-të më të paguar në botë, por ai vuajti nga alkoolizmi dhe depresioni.
Çka i mori jetën në moshën 28-vjeçare.
Që atëherë, prindërit e tij kanë mbikëqyrur pasurinë e tij, duke organizuar një koncert nderimi të mbushur me yje, duke licencuar një lojë video bazuar në muzikën e tij dhe duke hapur një muze interaktiv nderimi në Stokholm në fillim të këtij viti.
Në një deklaratë, ata kanë sqaruar se shitja e shumicës së aksioneve në të drejtat muzikore të djalit do të ndihmonte për të siguruar trashëgiminë e tij.
Gjithashtu kanë shpjeguar se marrëveshja do ta sillte muzikën e Avicii-t “në audiencën më të gjerë të mundshme” dhe të kujdeset për bazën e fansave të tij ndërkombëtarë.
Marrëveshja vjen gjashtë muaj pasi Pophouse bleu regjistrimet kryesore dhe botimin e aseteve të ikonave të kërcimit Suedez House Mafia.
Asnjë shifër nuk është bërë e ditur për blerjen.
Pesë vitet e fundit janë parë një sërë marrëveshjesh të ngjashme, me artistë si Bob Dylan, Shakira, Blondie dhe Neil Young që u shesin të drejtat kompanive që premtojnë të ruajnë trashëgiminë e tyre.
Marrë nga “BBC”, përshtatur për “Albanian Post”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Zgjerimi i BE-së: Sa afër anëtarësimit janë nëntë vendet kandidate?
-
Këshilli Bashkiak i Himarës cakton pasuesin e Jorgo Goros
-
Rusia e vendos Evropën në një udhëkryq: Sa do të kushtonte riarmatimi?
-
Cilët janë katalizatorët që do ta ndezin fushatën e partive politike ndërsa nis sezoni zgjedhor në Kosovë?