Eurodeputetët do të vizitojnë Sarajevën – “Nuk ka vend në BE për ata që mohojnë gjenocidin”

Eurodeputetët, Tineka Strik dhe Dietmar Koester, të cilët ishin ndër nënshkruesit e letrës të thirrur së fundmi nga Përfaqësuesi i Lartë në Bosnje dhe Hercegovinë, Christian Schmidt dhe Përfaqësuesi i Lartë i BE-së, Josep Borrell, për t’iu përgjigjur krizës aktuale politike në BeH, do të jenë në ditët në vijim në një vizititë zyrtare në BeH.

Gjatë vizitës së planifikuar për të premten dhe të shtunën do të zhvillohen takime me Përfaqësuesin e Lartë Schmidt, përfaqësues të Grupit Ndërinstitucional për Amendamentet e Ligjit Zgjedhor, Komisionin Qendror të Zgjedhjeve, deputetë dhe përfaqësues të shoqërisë civile dhe OJQ-ve.

“Ne jemi në një fazë kritike për Bosnje dhe Hercegovinën. Javët e ardhshme do të përcaktojnë potencialisht të ardhmen e vendit për dekadat në vijim. Është jetike që vendi të kthehet në një realitet të qëndrueshëm dhe të parashikueshëm” , ka njoftar eurodeputetja Strik, përcjell agjensioni i lajmeve boshnjake Patria.

“Por nëse komuniteti ndërkombëtar, veçanërisht BE-ja dhe vendet e saj anëtare, vazhdojnë të lejojnë përshkallëzimin dhe të shpërblejnë ata aktorë që provokojnë krizën, kjo do të rezultojë në një marrëveshje ekskluzive pa mbështetjen e vërtetë të pjesës më të madhe të BeH-së dhe do të thellojë më tej ndarjet etnike”, tha ajo.

Ajo shtoi se një marrëveshje e tillë mund të zgjidhë tensionet në një afat të shkurtër, por do të rrezikojë funksionalitetin dhe stabilitetin e vendit në afat të gjatë dhe do të jetë katastrofike për aspiratat evropiane të vendit.

Koester, eurodeputeti gjerman që punon në klubin e socialdemokratëve, theksoi se retorika etno-nacionaliste në BeH nuk duhet të shpërfillet, si dhe lëvizjet që mund të ndezin të gjithë rajonin e Ballkanit Perëndimor.

“Nuk ka vend në Evropë për të mohuar gjenocidin. As për mosdënimin e liderëve politikë që shkelin sundimin e ligjit. Ne rikonfirmojmë mbështetjen tonë të fortë për sovranitetin, integritetin territorial dhe pavarësinë e Bosnjë dhe Hercegovinës, si dhe për integrimin e saj evropian. Vetëm një Bosnjë dhe Hercegovinë demokratike e bazuar në sundimin e ligjit ka të ardhme në BE,” shtoi Koester.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.