Pasi Greqia eliminoi Kazakistanin gjatë ndeshjes së fundit të play-of të Kampionatit Evropian të enjten në mbrëmje, Turqia u bë zyrtarisht shteti i vetëm që është kualifikuar në Euro 2024, skuadra dhe tifozët e futbollit të së cilës kanë nevojë për viza për të ndjekur ndeshjet që do të zhvillohen këtë qershor-korrik në Gjermani.
Me pesë gola të shënuar nga Greqia dhe asnjë nga Kazakistani, ky i fundit është skualifikuar zyrtarisht nga Euro 2024, duke lënë Turqinë si vendin e vetëm, shtetasit e të cilit kanë nevojë për vizë për të hyrë në zonën Shengen.
Vende të tjera të treta që janë kualifikuar janë gjithashtu Shqipëria, Anglia (MB), Skocia (MB) dhe Serbia. Asnjë nga shtetasit e këtyre vendeve nuk ka nevojë për vizë për të hyrë në Gjermani ose në ndonjë nga shtetet e tjera anëtare të zonës Shengen.
Ndërsa qytetarët e Serbisë dhe Shqipërisë filluan të udhëtojnë pa viza në zonën Shengen pas marrëveshjeve të bëra midis qeverive të këtyre dy vendeve dhe BE-së në 2009 dhe 2010, shtetasve të Mbretërisë së Bashkuar iu dha automatikisht akses pa viza në vendet Shengen pas Brexit.
Vendet e BE/Shengen që janë kualifikuar në Euro 2024 deri më tani janë Austria, Belgjika, Kroacia, Çekia, Danimarka, Franca, Gjermania, Hungaria, Italia, Holanda, Portugalia, Rumania, Sllovakia, Sllovenia, Spanja dhe Zvicra, me Greqinë, Islandën dhe Poloninë që ende po luftojnë për kualifikimin.
Futbollistët turq pa shtetësi ose vendbanim të BE-së përballen vazhdimisht me pengesa për viza.
Ndërsa shumë nga lojtarët e Kombëtares turke kanë një shtetësi të dytë të BE-së ose janë banorë të një vendi të BE-së pasi luajnë për një nga ekipet e tyre, shumë të tjerë kanë nevojë për marrëveshje vizash për të luajtur në ndeshjet e organizuara në shtetet e Shengen-it.
Për shembull, ndërsa lojtarët si Arda Guler që luan për Real Madrid-in, ose Hakan Çalhanoglu që luan për Inter-in e kanë statusin e tyre të rregulluar si sportistë të BE-së dhe të tjerë si Ferdi Erenay Kadioglu i cili ka lindur në Holandë ka nënshtetësi të BE-së.
Por, Muhammed Kerem Akturkoglu i cili luan për Galatasaray-n, vazhdimisht duhet të sigurojë vizën e tij për ndeshjet brenda territorit të BE-së.
Në vitin 2022, Turqia u bë burimi më i madh i aplikantëve për viza Shengen, me shtetasit e saj që paraqitën mbi 700 mijë aplikime. Ky numër i lartë aplikantësh zbrazi mbi 62 milionë euro nga xhepat e shtetasve turq.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
