Christian Eriksen është rikthyer duke folur për momentin kur pësoi arrest kardiak në Kampionatin Evropian të vitit të kaluar.
Pas atij momenti që për pak sa nuk shokoi botën e futbollit, Eriksen vendosi një debrifilator në zemër, gjë që më nuk e lejonte të luante në Itali.
Në këtë mënyrë, Eriksen u detyrua ta shkëpuste kontratën me Inter-in, pasi që futbolli italian nuk e lejon të luajnë futbollistët me debrifilator.
Gjatë një konference për media në Katar me kombëtaren e tij, Danimarkën, mesfushori i Manchester United tha se ishte mërzitur shumë që u largua nga klubi italian.
“Pas problemeve në Kampionatin Evropian dhe pasi e kuptova se mund të luaja ende si profesionist, qëllimi im ishte të rikthehesha të luaja në Itali. Por ishte e pamundur, pasi rregullat për të pasur përputhshmëri mjekësore në Itali janë më kërkuese”, deklaro Eriksen.
“Inter-i është një klub i mirë, më erdhi keq që u largova nga zikaltrit, por ky është futbolli. Italia dhe Interi më dhuruan ndjesi shumë të mira, jeta në Milano i pëlqente familjes sime”, shtoi danezi.
“Unë ndihesha shumë mirë në atë klub. Inter-i mbetet një vend i veçantë për mua”, tha mes tjerash mesfushori i Manchester United-it, Christian Eriksen.
Kujtojmë që Danimarka do të përballet me Tunizinë në ndeshjen e parë të Kupës së Botës, që do të zhvillohet këtë të marte.
Përveç këtyre dy kombëtareve, në Grupin D janë edhe Franca dhe Australia.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
