Ericsson-i, shërbim për punën në distancë

Kompania suedeze e telekomunikacionit, Ericsson, ka zbuluar një shërbim për punë në distancë në Amerikën e Veriut, i cili do të lejojë punonjësit e bizneseve të vogla të fillojnë të punojnë nga shtëpia brenda pak kohe me qasje në aplikacione, cloud dhe mjete sigurie të licencuara.

Agjencia e lajmeve, Reuters, tregon se Ericsson-i, i cili është i njohur për shitjen e pajisjeve të telekomunikacionit te kompanisë e telefonisë, ka përfituar nga shitja e pajisjeve 5G dhe po kërkon të diversifikohet në fusha të tjera të biznesit.

Për sa i përket funksionimit, një klient biznesi mund të blejë aplikacione diku, të hyjë në platformë nga çdo pajisje dhe nuk do të ketë nevojë për një teknik të dedikuar IT-je për të vendosur sistemin.

Brenda pak minutash, jo vetëm që një klient biznesi mund të aktivizojë punonjësit, por mund të vendosi se cilët punonjës mund të kenë qasje në aplikacione apo mundësi të caktuara.

Asa Tamsons, shefja e teknologjisë së zonës së biznesit, ka thënë se pajtimi nis me rreth 100 dollarë  për punonjës në muaj.

Për të ofruar qasje nëpër aplikacione biznesi, kompania është lidhur me kompani të ndryshme siç është paketa Microsoft Office në software-in e dizajnit grafik të mbështetur në cloud.

Megjithatë, terreni për këtë shërbim të ri të Ericsson-it nuk është edhe aq i lehtë. Kompania pritet të përballet me konkurrencën e ndërmarrjeve të vogla që ofrojnë shërbime të ngjashme për kompanitë e mëdha teknologjike që shesin programe kompjuterike për punën në distancë.

Mirëpo, kompania ka vlerësuar se tregu i përgjithshëm i adresueshëm në Shtetet e Bashkuara të Amerikës për hapësirat e punës virtuale llogaritet rreth 90 miliardë dollarë çka përfaqëson 40 për qind të fuqisë punëtore.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.