Zëvendës Ministrja e Bujqësisë dhe Zhvillimit Rural Ermira Gjeçi, së bashku me drejtuesin e Institutit të Sigurisë Ushqimore dhe Veterinarisë Armand Reveli dhe Tana Kika-Shtylla, Drejtore e Përgjithshme e Autoritet Kombëtar të Veterinarisë dhe Mbrojtjen e Bimëve, kanë zhvilluar një takim me përfaqësues të organizatës së Odës Ekonomike të Kosovës.
Gjatë këtij takimi u diskutuan mundësitë e mbështetjes dhe eleminimi i barrierave tregtare gjatë bashkëpunimit reciprok tregtar.
Në takim u diskutuan problematikat që hasen gjatë eksportit të produkteve ushqimore nga Kosova drejt vendit tonë.
“Është shumë e rëndësishme që të trajtohen kërkesat e operatorëve ekonomik, duke unifikuar certifikatat dhe rishikuar procedurat në mënyrë që të lehtësohet shkëmbimi tregtar”, u shpreh Gjeçi.
Sipas legjislacionit respektiv, në nëntor të vitit 2018, është përmbushur detyrimi i njohjes dypalëshe të certifikatave veterinare të kafshëve të gjalla, produkteve me origjinë shtazore për konsum human dhe jo human, certifikatat e produkteve jo shtazore dhe certifikatat fitosanitare.
Po ashtu, është bërë njohja e 42 certifikatave për prodhimet vendase. Zbatimi i këtij protokolli ka filluar në 1 janar të vitit 2019.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
