Ekonomia globale s’i ka punët mirë, thotë Banka Botërore

Një hije jo të mirë mbi ekonominë globale e parashikon Banka Botërore, ku me një paralajmërim të dhenë nga presidenti i saj, David Malpass, një “shok post-pandemik” pritet të rëndojë në rritjet ekonomike të shumë vendeve, veçanërisht atyre të varfra.

Parashikimet e fundit, e nxjerrin rritjen ekonomike globale në 4.1%. Kjo është një shifër më e ulët se 5.5 pikët e përqindjes gjatë vitit 2021.

Kërcënimet nga virusi kanë qenë arsyet kryesore të këtij pasqyrimi që BB-ja ka bërë.

Por, ajo çfarë e shqetëson më shumë Malpass-in, është zgjerimi i pabarazisë në botë.

“Pabarazia që ka ndërtuar sistemi është ajo çfarë shkakton gjithçka”, thotë ai në një intervistë për median shtetërore britanike, BBC. “vendet e varfra sidomos, kanë një ekonomi shumë të brishtë dhe kjo mund të dëmtojë përpjekjet për të luftuar inflacionin”.

Një rënie akoma më poshtë e vendeve të varfra, pritet të ndodhë. Kjo për drejtuesin e BB-së, i rrit më tej pasiguritë.

Për shembull, në vitin 2023, ekonomi shumë të zhvilluara si për shembull ajo amerikane, zona Euro apo Japonia, pritet të jenë rimëkëmbur tërësisht nga pandemia. Por, rritja në vende të vogla apo të varfra, nuk mendohet se do të kalojë 4%. Kjo është një shifër edhe më e ulët e rritjes se sa ajo përpara COVID-19.

Programet e stimulimit janë po ashtu problem për Malpass-in. Ato në vendet e pasura, janë më të larmishme dhe e rrisin thellimin e ndarjes duke çuar globin në inflacion.

Një rritje e mundshme e normave të interesit është gjithashtu ndikuese, ndërsa të gjithë sektorët mund të stepen për të marrë hua apo kredi.

Jo i favorshëm sakaq, shfaqet tregu për bizneset e reja, ato të zotëruara nga gratë apo ato në vendet në zhvillim në tërësi.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.