EFL Cup do të luajë këtë të mërkurë sfidën e kthimit mes Tottenham-it dhe Chelsea-t. Ndeshja luhet për gjysmëfinalet e këtij kompeticioni.
Në takimin e një jave më parë, ishin blutë që triumfuan me rezultatin 2-0. Kai Havertz-i dhe një autogol i Ben Davies-it i dhanë avantazhin të besuarve të Thomas Tuchel-it.
Sfida e kësaj të mërkure do të luhet në “Tottenham Hotspur Stadium”, duke filluar nga ora 20:45.
Formacionet e mundshme:
Tottenham: Lloris; Sanchez, Dier, Davies; Emerson, Skipp, Hojbjerg, Reguilon; Lo Celso, Moura; Kane.
Chelsea: Arrizabalaga; Sarr, Silva, Rudiger; Alonso, Kovacic, Niguez, Hudson-Odoi; Ziyech, Mount; Lukaku.
Për Antonio Conte-n do të mungojnë Cristian Romero dhe Heung-Min Son-i. Të dy të dëmtuar.
Për Tuchel-in mungesat janë më të shumta. Edouard Mendy është larguar për në Kupën e Kombeve në Afrikë. Trevoh Chalobah-u, Reece James-i dhe Ben Chilwell-i janë të dëmtuar. N’Golo Kante dhe Cesar Azpilicueta mbeten në mëdyshje.
Gjysmëfinalja tjetër e EFL Cup luhet mes Arsenal-it dhe Liverpool-it. Sfida e parë mes tyre u shty për shkak të rasteve me koronavirus te skuadra e Jurgen Klopp-it. Të enjten pritet të luhet sfida e parë dhe më 20 janar ndeshja e kthimit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Moody’s me vlerësim ‘pozitiv’ për Shqipërinë, ulet borxhi dhe rritet ekonomia
-
Kryediplomati grek: Greqia do të abstenojë për anëtarësimin e Kosovës në KiE
-
Izraeli, çarjet rreth Netanyahut dhe tani presioni për një sulm ndaj Rafahut po rritet
-
Pse Kurti nuk mori pjesë në tubimin e “VLEN-it” në Gjermani?
