Efektet negative tek fëmijët, që shkakton përdorimi i telefonave të mençur

Teknologjia ka bërë shumë për ta bërë jetën tonë më të lehtë dhe më efikase. Megjithatë, prindërit, duhet të shqetësohen për ndikimin që mund të kenë pajisjet e tilla si telefonat inteligjentë tek fëmija juaj.

Albanian Post ju prezanton disa nga efektet negative, të cilave fëmijët iu qasen kur ata në duart e tyre mbajnë telefonat e mençur.

Ata ndryshojnë marrëdhënien prind-fëmijë

Edhe pse telefonat inteligjentë mund të jenë të përshtatshëm, ata ndryshojnë lidhjen që supozohet të ekzistojë midis një prindi dhe një fëmije.

Lidhja e bashkangjitur me përdorimin e telefonave të mençur nuk mund të jetë e njëjtë me lidhjen e mirëfilltë që prindi dhe fëmija kanë për qëllim të kenë.

Fëmijët ende po kalojnë një periudhë rritjeje, dhe ju duhet të krijoni marrëdhënien tuaj me ta.

Me telefonat inteligjentë, keni në dispozicion shpejtësi dhe përgjigje të menjëhershme; megjithatë kjo mund të çojë që fëmijët tuaj të bëjnë zgjedhje të gabuara në planin afatgjatë.

Kufizon mendjet e tyre krijuese

Me qasje të lehtë përmes një telefoni të mençur, në pjesën më të madhe të lojës së tyre, fëmijët tani kanë një platformë për t’u bombarduar me lojëra të ndryshme emocionuese.

Këto lojëra kufizojnë kreativitetin dhe imagjinatën e tyre dhe ngadalësojnë zhvillimin e tyre motorik dhe sensor optik.

Çrregullojnë gjumin e tyre

Sipas një studimi amerikan, një telefon celular në dhomën e gjumit mund të sjellë ndjeshëm më pak gjumë, më vonë kohë gjumi dhe më shumë lodhje.

Fëmija juaj duhet të fle shumë dhe të ketë trurin e tij të pushuar për aktivitetet e ditës tjetër.

Nuk u jep fëmijëve kohën për të reflektuar ose për të mësuar në lidhje me pasojat e veprimeve të tyre

Imagjinoni një fëmijë duke biseduar në një faqe bisede dhe gjërat shkojnë keq.

“Uroj të humbasësh jetën” i thuhet atij.

Edhe fëmijë krejtësisht të mirë do të reagonin spontanisht duke thënë: “Unë uroj që edhe ju të humbni jetën tuaj.”

Kjo ndodh sepse fëmijës nuk i ofrohet mundësia të reflektojë mbi ndikimin dhe negativitetin e veprimeve të tyre ose atë që thonë ata.

Gjërat ndodhin shpejt brenda botës së telefonave të mençur.

Ndalon aftësinë e tyre për të mësuar

Sipas studiuesve amerikanë, një telefon i mençur është i dëmshëm për zhvillimin social-ekonomik të një fëmije pasi që devijon vëmendjen e fëmijës.

Përdorimi i kohës interaktive të ekranit në pajisje të tilla mund të dëmtojë gjithashtu zhvillimin e aftësive të fëmijës për matematikën dhe shkencën.

Shkakton varësi

Përdorimi i këtyre pajisjeve teknologjike, rrezikon zhvillimin e përgjithshëm të fëmijës.

Duke i përfshirë ata në kaq shumë aktivitete, një telefon i mençur mund të bëhet burim i një varësie.

Kjo lloj varësie i tërheq mendjet e tyre dhe i rrëmben për një kohë të gjatë, madje edhe deri në moshën e rritur.

Ka një ndikim negativ në shëndetin mendor të fëmijës tuaj

Sipas ekspertëve shëndetësor, ndër shkaqet e depresionit dhe anoreksisë tek fëmijët është përdorimi i tepërt i telefonave te mençur dhe lidhja e tyre me internetin.

Meqenëse përmes saj fëmijët ngacmohen dhe shpesh nuk mbikëqyren, ka një ndikim negativ në shëndetin e tyre mendor.

Mund të shkaktoj mbipeshë

Shumë kohë e kaluar në një telefon të menqur gjithashtu ndikon në shëndetin fizik të fëmijëve tuaj.

Me një smartphone, fëmija juaj i nënshtrohet qëndrimit në një vend të caktuar për orë të tëra.

Përdorimi i tepërt i teknologjisë tani është një faktor që shkakton mbipesha.

Shkakton probleme të sjelljes

Kalimi i më shumë se dy orëve në ditë në një telefon të mençur është i mjaftueshëm për të shkaktuar probleme emocionale dhe sociale.

Ekspozimi ndaj lojërave të disponueshme në aplikacionet e smartphone-ve i lidh fëmijët me një rrezik në rritje të problemeve të vëmendjes.

Ajo de sensibilizon fëmijët ndaj dhunës

Përmes telefonave të mençur, fëmijët janë të ekspozuar ndaj dhunës në lojëra dhe përmes ngacmimit në internet në faqet e bisedave.

Kjo de sensibilizon fëmijët dhe i shtyn ata të pranojnë se sjellja e dhunshme është thjesht një mënyrë normale për të zgjidhur problemet.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.