Gustavo Petro, një ish-luftëtar rebel i cili ka premtuar ndryshime të thella sociale dhe ekonomike, ka fituar presidencën e Kolumbisë.
Fitorja e Petro-s në balotazhin presidencial të së dielës do ta bëjë atë presidentin e parë ‘të majtë’ të vendit.
Ai fitoi 50.4 për qind të votave, ndërsa rivali i tij Rodolfo Hernandez, një manjat ndërtimi, kishte 47.3 për qind.
“Që sot, Kolumbia po ndryshon, një ndryshim i vërtetë që na udhëheq drejt një prej synimeve tona: politikës së dashurisë … të mirëkuptimit dhe dialogut”, deklaroi Petro pas fitores.
Një senator dhe një ish-kryebashkiak i Bogota-s, fitorja e Petro nënvizoi një ndryshim drastik në politikën presidenciale.
Kjo, për një vend që ka margjinalizuar prej kohësh të majtën për lidhjen e saj të perceptuar me konfliktin e armatosur.
Vetë Petro ishte dikur një rebel me lëvizjen M-19 tashmë të zhdukur dhe iu dha amnisti pasi u burgos për përfshirjen e tij me grupin.
Në fjalimin e tij të fitores, Petro, 62 vjeç, lëshoi një thirrje për unitet.
Presidenti konservator në largim Ivan Duque e uroi Petron menjëherë pas shpalljes së rezultateve dhe Hernandez e pranoi shpejt humbjen e tij.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Leonarda Cianciulli, sapunbërësja e Corregios: Kam prerë tre gra në copa, ishin sakrifica njerëzore për të më mbrojtur nga një mallkim
-
Një goditje dërrmuese për Izraelin dhe një bast masiv nga ICC-ja
-
Diplomati i lartë izraelit i kërkon AIPAC që të marrë ‘hapa dramatikë’ kundër ICC-së
-
Gjermania thotë se respekton ICC-në, por se Izraeli ka të drejtë të mbrojë veten