![](https://albanianpost.com/wp-content/uploads/2024/01/maxresdefault-2.jpg)
Me kërkesë të mbrojtësit të të akuzuarit për krime lufte Çaslav Joliç, është anuluar seanca e së mërkurës në Gjykatën Themelore në Prishtinë.
Nga trupi gjykues, kanë deklaruar se avokati Brkljaç, kishte kërkuar anulimin e seancës për arsye shëndetësore.
Po ashtu, u tha se palët janë njoftuar me kohë për anulimin e kësaj seance dhe asaj të paraparë për të enjten e 25 janarit.
Mustafë Bajramaj, ishte dëshmitarë i torturave që iu bënë shqiptarëve në burgun e Gurakocit në Istog gjatë bombardimeve të NATO-s në Kosovë në vitin 1999.
Ish ushtari I UÇK-së, u kap nga forcat paramilitare serbe, bashkë me mbi 90 shqiptarë të tjerë dhe u mbajt Iimbyllur në hapësirat e këtij burgu i cili ekzistonte prej vitesh.
Një ndër ata që e ndaluante ishte edhe ish polici serb Çaslav Joliç, të cilin Mustafë Bajramaj e njihte mirë, pasi që e kishte pasur edhe komshi.
Çaslav Jolic u arrestua më 2 qershor të 2022-ës, nga Policia e Kosovës.
Ai ishte kapur pasi ishte paraqitur në administratën e komunës së Istogut për të nxjerrë dokumente të identifikimit.
Bashkë me largimin e forcave serbe nga Kosova në vitin 1999, ishte larguar edhe Çaslav Jolic.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Mexhiti: Po punojmë çdo ditë që ish ushtari i UÇK-së të lirohet
-
LDK-ja pranon ftesën e Osmanit për diskutimin e datës së zgjedhjeve
-
Elshani për garën e kërcimit në Ujman: Për ne është detyrë, dikush mund ta shoh si provokim
-
KFOR: Kemi patrullime të rregullta në kufirin me Serbinë për siguri dhe stabilitet