Këngëtarja shqiptare me famë botërore, Dua Lipa ka nënshkruar marrëveshjen e saj më të shtrenjtë të markës së veturave deri më sot dhe së shpejti ajo do të zbulohet si fytyra e re e Porsche.
Me një karrierë të shkëlqyer muzikore, një gamë të modës me Versace dhe pjesëmarrje edhe në filmin “Barbie”, duket se Dua nuk ka shumë gjëra që ajo nuk mund të bëjë.
Burime të afërta me yllin e hitit “Levitating, e cila ishte fytyra e kompanisë së makinave luksoze Jaguar, zbulojnë se asaj i është ofruar një shumë me shtatë shifra për të nënshkruar, shkruan The Sun, transmeton AlbanianPost.
“Dua është një nga fytyrat më të nxehta në muzikë tani dhe është një yll global”, tha një burim pranë saj, derisa një tjetër shtoi se – “Ajo ka një fuqi të madhe tërheqëse të markës dhe Porsche i ofroi asaj një paketë me shtatë shifra që nuk mund ta refuzonte”.
“Dua fillimisht filloi të punojë me Jaguar në vitin 2018 dhe kjo i ka siguruar asaj një shumë të madhe parash. Por, kur Porsche erdhi duke trokitur, ishte një ofertë vërtet emocionuese dhe ajo mezi pret të përfshihet brenda saj”, tha një burim i tretë.
Sigurisht që nuk do të ketë asnjë pengesë kur ajo të jetë pas timonit të një Porsche të re pa pagesë të nivelit të lartë.
Kujtojmë se së fundmi, Dua është kritikuar goxha shumë nga fansat, pasi nuk u shfaq në skenën e “Glastonbury”, për të interpretuar hitin e saj “Cold Heart” bashkë me ikonën, Elton John.
Fansat ishin të zemëruar pasi artistja në momentet kur koncerti po zhvillohej, u pa duke shijuar një darkë me familjen e saj.
Fansat menduan se do të ishte më mirë që të ishte në skenë krah Elton se sa të linte koncertin madhështor për një drekë familjeje.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
