Dua Lipa feston 28 vjetorin e lindjes – cilat ishin sukseset e saj ndër vite?

Këngëtarja britanike me origjinë nga Kosova, Dua Lipa feston sot më 22 gusht, ditëlindjen e saj të 28-të.

Këtë datë të veçantë artistja e ndau edhe me ndjekësit e saj në Instagram, duke ndarë disa fotografi, ku mbishkroi – “duke ecur në vitin tim të 28-të”.

Lipa ka falënderuar edhe fansat e saj të cilët i kanë dërguar urime për ditëlindjen, derisa mijëra njerëz reaguan ndaj postimit të bujshëm të ndarë me mbi 88 milionë ndjekësit.

Dua feston ditëlindjen një ditë pasi shënoi 8 vjetorin e këngës së saj të parë “New Love”.

Lidhur me këtë, Billboard shkroi se ky moment historik është një moment i veçantë për yllin e pop-it për shkak se ishte kënga e parë që ajo publikoi, duke nisur karrierën e saj në muzikën pop që rezultoi të sjellë suksese të panumërta.

Lipa është fituese e çmimeve të shumta dhe kjo përfshin nominimet për gjashtëmbëdhjetë “Brit Awards”, tetë “Grammy Awards” dhe shtatë “NME Awards”, duke fituar dhjetë prej tyre/

Ajo u bë artistja e parë femër që mori pesë nominime në një vit të vetëm në “Brit Awards”.

Lipa nënshkroi një marrëveshje rekord me Warner Music Group në vitin 2015 dhe publikoi albumin e saj debutues të vetëtitulluar në 2017, i cili fitoi nominimet për “Albumin e vitit” në “BBC Music Awards” të vitit 2017, dhe fitoi “Albumin ndërkombëtar të vitit” në edicionin e trembëdhjetë të çmimeve muzikore “LOS40”.

Kënga “New Rules”, nga albumi i saj i titulluar, fitoi nominime për “Këngën britanike të vitit” dhe “Videon më të mirë britanike” në “Brit Awards 2018”, “Videoja më e mirë muzikore” në “iHeartRadio Music Awards 2018” dhe “Kënga e Vitit” në “MTV 2018 Video Music Awards”.

Kënga fitoi “Direction for Music Videos” në “D&AD Awards 2018” dhe “Kënga më e mirë “ në “Radio Disney Music Awards 2018”.

“One Kiss”, një bashkëpunim me producentin skocez Calvin Harris dhe “IDGAF” u nominuan gjithashtu për “Këngën britanike të vitit” dhe “Videon më të mirë britanike” në “Brit Awards 2019”.

Lipa fitoi çmimin “Artistja më e mirë” dhe “Regjistrimi më i mirë i kërcimit” për “Electricity”, një bashkëpunim me dyshen britaniko-amerikane Silk City, në çmimet e 61-të vjetore “Grammy”.

Ajo publikoi albumin e saj të dytë në studio, “Future Nostalgia”, në vitin 2020 dhe fitoi “Albumin më të mirë vokal pop” në çmimet e 63-të vjetore “Grammy” dhe fitoi një nominim për  “Albumin e vitit”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.