Me barazim ka përfunduar derbi italian i javës së 32-të në Serie A.
Spektakli u rezervua për ne fundin e ndeshjes mes Romës dhe Milanit.
Kryendeshja e javës së 32-te në Serie A përfundoi me shifrat 1:1, ku dy golat u shënuan në minutat shtesë të ndeshjes.
Fillimisht, shënoi ekipi romak në minutën e 93-të.
Goli u shënua nga qendërsulmuesi anglez, Tammy Abraham. Asistin për gol e bëri mbrojtësi anësor turk Zeki Celik.
Ndërsa, disa minuta më vonë, saktësisht në minutën e 97-të Milan arriti që ta barazojë rezultatin përmes mesfushorit belg, Alexis Saelemaekers, pas asistimit të portugezit Rafael Leao.
Në këtë ndeshje luajti edhe futbollisti i kombëtares shqiptare, Marash Kumbulla. Mirëpo, pas 15 minutash lojë Kumbulla pësoi lëndim dhe Jose Mourinho u detyrua ta zëvendësonte lojtarin shqiptar me Edoardo Bove.
Pas kësaj ndeshje Milan gjendet në pozitën e katër, e pasuar nga Roma në vendin e pestë.
Mirëpo, përkundër renditjes, Roma dhe Milan kanë pikë të barabarta. Të dyja me nga 57 sosh.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Edhe në mars Shqipëria me rekord trafiku pasagjerësh nga Rinasi
-
Raportimi i Kathimerini hedh hije dyshimi mbi vizitën e Ramës në Athinë
-
Pentagoni pranon se SHBA-të kanë vrarë gabimisht një civil në sulmin në Siri në vitin 2023, raporton Washington Post
-
Osmani takon Hovenierin: Vazhdimi i masave është i padrejtë
