“Dosja Trump” mbi Capitol-in mund t’i kalojë Komisionit Hetimor

Qindra faqe dokumentacion mbi ngjarjet e ndodhura në Capitol Hill më 6 janar 2021, ku gjatë certifikimit të Joe Biden si President i SHBA-ve, një turmë militantësh pro-Trump bastisën godinën ikonë të demokracisë amerikane, mund të shqyrtohen nga Komisioni Hetimor mbi ngjarjen.

Të paktën, kështu ka vendosur një gjykatë në Washington.

Vendimi u dha natën e të martës së 9 nëntorit nga gjykatësja Tanya Chutkan. Arkivi Kombëtar në SHBA, ka rrugë të lirë tashmë për të çuar dokumentet në Kongres.

Kërkesa nga ana e Komisionit Hetimor të ngritur nga Kongresi amerikan është bërë dhe faqet e vlefshme mund të mbërrijnë të premten në Capitol.

“Interesi publik është ai i studimit të plotë të asaj çfarë ndodhi më 6 janar”, argumentoi Chutkan. Ajo shkroi një raport prej 39 faqesh mbi arsyetimin e vendimit të saj.

Informacionet e përmbajtura në ato dokumente mendohet se janë të shumta. Ato fillojnë që nga regjistrat e hyrje-daljeve në Shtëpinë e Bardhë. Rekorde telefonike, ditarë të shefit të kabinetit të ish-presidentit Donald Trump apo të pjesëtarëve me rëndësi nga kabineti, gjenden aty.

Në tërësi mendohet se mund të jenë deri në 750 fletë.

Administrata Biden, ka qenë ajo e cila e hoqi tërësisht privilegjin e arkivimit përfundimtar të këtyre dosjeve. Ato u quajtën material sensitiv, por i domosdoshëm për hetimin e plotë të 6 janarit.

Pas lënies së Presidencës, Trump u shkarkuar me shumicë votash nga Kongresi, për të dytën herë në mandatin e tij. Gjithsesi, ai i mbijetoi votëbesimit në Senat.

Në Capitol Hill, më 6 janar, pesë persona humbën jetën gjatë protestave masive në Washington.

Përtej përpjekjes për të ndaluar certifikimin, Joe Biden u shpall zyrtarisht President i SHBA-ve.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.