Donacioni 25-milionësh për Spitalin e Fëmijëve, Hamiti: Kurorëzim i angazhimit diplomatik në Emiratet e Bashkuara Arabe
Ambasasdori i Kosovës në Emiratet e Bashkuara Arabe, Xhabir Hamiti, nëpërmjet një postimi në llogarinë e tij në “Facebook”, ka thënë se donacioni prej 25 milionë dollarëve amerikanë për ndërtimin e spitalit të fëmijëve në Kosovë është edhe “kurorëzim i angazhimit të përbashkët diplomatik”.
“Lajmin e ndarjes së donacionit prej 25 milion eurove nga shteti i Emirateve të Bashkuara Arabe, dedikuar ndërtimit të një spitali të ri të fëmijëve në Kosovë, e prita me shumë gëzim, të cilin e konsiderojë edhe si kurorëzim të angazhimit tonë të përbashkët diplomatik në EBA përgjatë vitit dhe muajve të fundit”, ka shkruar ai.
Ndryshe, kryeministri i Kosovës, Albin Kurti, ka njoftuar se Emiratet e Bashkuara Arabe do t’ia dhurojnë shtetit kosovar 25 milionë dollarë për ndërtimin e një spitali të për fëmijë – donacioni i dytë nga Emiratet e Bashkuara Arabe pas Spitalit të Fëmijëve “Sheikha Fatima” në Prishtinë.
Marrëdhëniet bilaterale ndërmjet Kosovës dhe Emirateve të Bashkuara Arabe janë zhvilluar kohët e fundit dhe të dy vendet kanë shprehur gatishmërinë që të rrisin bashkëpunimin mes tyre në të gjitha fushat, veçanërisht në atë të shëndetësisë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Edhe në mars Shqipëria me rekord trafiku pasagjerësh nga Rinasi
-
Raportimi i Kathimerini hedh hije dyshimi mbi vizitën e Ramës në Athinë
-
Pentagoni pranon se SHBA-të kanë vrarë gabimisht një civil në sulmin në Siri në vitin 2023, raporton Washington Post
-
Osmani takon Hovenierin: Vazhdimi i masave është i padrejtë