![](https://albanianpost.com/wp-content/uploads/2022/02/272900574_2773438416285977_8484468018683572083_n.jpg)
Famën e fitoi shpejt dhe mjaftoi një paraqitje televizive që gjithçka të ndryshonte në të mirë, për rep artistin shqiptar, Don Xhon – kësisoj, ai po vazhdon të bëjë jetë luksoze, teksa së fundmi është përkujdesur pak edhe për veten.
Ylli i hitit “Mafia” ka publikuar disa imazhe, teksa shihet i veshur plot me stil, duke pozuar pranë veturës së tij të re të tipit “Mercedes S-class 2022”.
![](https://albanianpost.com/wp-content/uploads/2022/02/258533460_2770513106585208_2423250092384034178_n-1004x1024.jpg)
Bazuar në të dhënat e faqes zyrtare të markës së prodhimit, Mercedes, një veturë e tillë kushton duke startuar nga 111 mijë dollarë që në euro i bije, nisur afro prej 100 mijë sosh.
![](https://albanianpost.com/wp-content/uploads/2022/02/272901634_977332042913579_6193976565593446454_n-1013x1024.jpg)
Një shifër e tillë “argumenton” të ardhurat e mira nga muzika dhe biznesi të Don Xhon dhe kjo vihet re edhe në prenotimet e tij për mbrëmje muzikore – ai është një nga artistët më të kërkuar në tregun shqiptar në përgjithësi.
Po ashtu, artisti së fundmi ka hapur edhe një bar në vendlindjen e tij, në qytetin e Drenasit, të cilën e ka emëruar “Revolution Lounge Bar” – kështu duke siguruar edhe të ardhura të tjera pos muzikës.
Gjithsesi, Don Xhon, akoma nuk ka publikuar ndonjë projekt në vitin 2022 – ai po vazhdon ta shijojë suksesin e projektit të publikuar në prag të festave të fundvitit “Corazon”, në të cilin artisti ishte mysafir në këngën e këngëtarit, Butrint Imeri.
![](https://albanianpost.com/wp-content/uploads/2022/02/Capture-56-1.jpg)
“Corazon” ishte mes hitesh më të mëdha të vitit që lamë pas, ndërsa aktualisht numëron mbi 30 milionë klikime vetëm në platformën YouTube.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com