Vende

Djathi tradicional i majave të Himalajeve


I mbuluar me një vello të dendur mjegulle gri, fshati i largët i Himalajeve në Nepal, Parvathy Kund, ishte pothuajse i braktisur.

Një nga të paktët njerëz që gjendej aty ishte një grua e moshuar, e cila qëndronte në një shtëpi prej druri, e ulur në portën e një shtëpie prej druri, e cila me një buzëqeshje, që ia ndriçonte fytyrën, pyeti: “A do të donit të hani pak churpi (djathë kaçkavall i zonës)?”

Pse ta duam natyrën?

Sepse natyra na fal kaq shumë çdo ditë… Kullotat e gjelbra, lulet e egra dhe Himalajat duken tmerrësisht të bukura.

Ju mund të shihni male të mbuluara me dëborë, kafshë kudo që hidhni sytë dhe kullota me barinj dhe të hani ushqimin më të mirë në botë.

Djathi Churpi

Një produkt tradicional i përgatitur nga blegtorët në malësitë e Himalajeve Lindore, churpi është një djathë i pasur me proteina, me një shije të tymosur dhe qëndrueshmëri të fortë.

Ai prodhohet nga qumështi i Yak (Chauri Gai).

Njerëzit shpesh përtypin kubikë të vegjël të djathit për orë të tëra, si një çamçakëz i fortë, i cili zbutet ngadalë me kohën dhe me sekrecionet e pështymës.

Cilësia unike e konsumimit të këtij produkti, është si rezultat i klimës në lartësi të madhe dhe stilit të jetesës së ashpër të Himalajeve.

Duke jetuar në çatinë e botës, me mundësi të kufizuara tregtare dhe tokë të punueshme, blegtoria ka qenë shtylla kryesore e shumë komuniteteve Himalayan për shekuj.

Sipas Mukta Singh Lama Tamang, antropolog në Universitetin Tribhuvan në Katmandu, bulmeti ka qenë pjesë e pandashme e kulturës dhe jetesës së Himalajeve gjatë historisë.

Mukta thotë se churpi është shpikur mijëra vjet më parë, nga nevoja për të bërë diçka produktive me qumështin shtesë që nuk mund të konsumohet apo shitet më.

Një nga karakteristikat unike të churpi-t është se ka një përmbajtje shumë të ulët lagështie.

Kjo e bën shumë të vështirë të kafshohet, por gjithashtu ndihmon që djathi të qëndrojë i ngrënshëm për muaj, apo edhe vite, kur fermentohet për gjashtë deri në 12 muaj, thahet dhe ruhet siç duhet në lëkurën e kafshëve.

Në malësitë e largëta të Himalajeve, kjo e ka bërë churpi-n veçanërisht të dëshirueshme, pasi barinjtë e jakëve kanë qenë në gjendje të mbështeten në të gjatë udhëtimeve të gjata, si dhe ta transportojnë dhe shesin atë në tregje.

Meqenëse fermentimi dhe dehidratimi zgjasin afatin e ruajtjes së ushqimit, churpi është veçanërisht i përshtatshëm për lartësi të mëdha, ku ka pak furnizime të freskëta dhe ushqime të tjera të pasura me proteina.

/Albanianpost.com

Lajmet kryesore