Studioja britanike e arkitekturës Zaha Hadid Architects ka krijuar qytetin “cyber-urban” e quajtur Liberland Metaverse, ku njerëzit mund të blejnë parcela toke me kriptovaluta dhe të hyjnë në ndërtesa dixhitale si avatar.
Pra, qyteti virtual bazohet në Republikën e Lirë të Liberland-it një mikrokomb i pretenduar nga politikani çek Vít Jedlička që shtrihet në tokë të diskutueshme midis Kroacisë dhe Serbisë.
“Përderisa Liberland Metaverse ka për qëllim të drejtojë zhvillimin e Liberland si një mikrokomb libertarian, ai gjithashtu do të funksionojë si mbretëri e lirë e realitetit virtual në vetvete,” shpjegoi drejtori i ZHA, Patrik Schumacher.
Schumacher thotë se kampusi virtual, i cili është i rrethuar me ujë, do të përdoret si një nyje rrjeti për projektet e kriptove, kompanitë e kriptove dhe ngjarjet kripto.
“Ambicia është që ai të bëhet faqja kryesore për rrjetëzimin dhe bashkëpunimin brenda industrisë në zhvillim të web 3.0, është metaverse për zhvilluesit metaverse dhe ekosistemin e kriptove në përgjithësi”, shprehet ai për Dezeen.
Gjithashtu, njerëzit mund të blejnë parcela toke dhe të krijojnë biznese në qytetin virtual dhe nëse e bëjnë këtë, ata gjithashtu do të kenë një aksion në Liberland fizik.
Studioja projektuese ZHA i projektoi të gjitha ndërtesat në stilin e tij me forma të përkulura dhe qoshe të rrumbullakëta.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
“Jam i gëzuar që do bashkëpunoj me një profesor si Mickoski – kemi program fantastik me VMRO-në”, Arben Taravari intervistë për Albanian Post
-
Strategji kombëtare kundër emigracionit, Balla: Synojmë të frenojmë kërkesat për azil
-
Në ujërat greke, aty ku vendet evropiane mësojnë të luftojnë pa ndihmën amerikane
-
Bardhi: Keni refuzuar çdo kërkesë të PD për interpelancë me Ramën, Çuçi: S’ka asgjë urgjente
