Dita Ndërkombëtare Kundër Korrupsionit, Basha: Pastrimi i politikës nga njerëzit e lidhur me krimin
Në Ditën Ndërkombëtare Kundër Korrupsionit, kryedemokrati Lulzim Basha, ka vijuar me thirrjen e tij “vetting në politikë”.
Basha nëpërmjet një postimi në median sociale Twitter, thekson se korrupsioni është, “arsyeja pse fatkeqësisht Shqipëria renditet gjithmonë e më shumë e fundit për gjërat që ua lehtësojnë jetën shqiptarëve dhe e para për ato që ua bëjnë të pamundur atë”.
Kreu i Partisë Demokratike përmend se, “shteti është i kapur nga paligjshmëria dhe pandershmëria”.
Prandaj sipas tij, “është koha për një angazhim dhe mobilizim të të gjithë shoqërisë për të ecur me vendosmëri përpara në përballjen me korrupsionin dhe të korruptuarit për pastrimin e politikës nga abuzuesit dhe njerëzit e lidhur me krimin dhe korrupsionin”.
Basha e mbyll duke vënë theksin te kjo e fundit, “për një politikë të pastër në shërbim të familjeve shqiptare dhe mirëqenies së tyre”.
1/4 Arsyeja pse fatkeqësisht Shqipëria 🇦🇱 renditet gjithmonë e më shumë e fundit për gjërat që ua lehtësojnë jetën shqiptarëve dhe e para për ato që ua bëjnë të pamundur atë, është #korrupsioni. pic.twitter.com/9LKOAPsS2g
— Lulzim Basha (@lulzimbasha_al) December 9, 2021
Më 3 dhjetor 2003, Asambleja e Përgjithshme e Kombeve të Bashkuara miratoi Konventën kundër Korrupsionit, e cila ka hyrë në fuqi në dhjetor të vitit 2005.
Sipas saj, Dita Ndërkombëtare Kundër Korrupsionit ka si qëllim të rrisë ndërgjegjësimin, të parandalojë dhe të luftojë këtë fenomen.
Në të shkruhet se korrupsioni është fenomen social, politik dhe ekonomik që ekziston në sajë të një zinxhiri njerëzish.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Fitimet e investitorëve të huaj arrijnë rekord në Shqipëri
-
Parashikimi i motit, 25 prill 2024
-
Edi Rama thërret Grubin në telefon, ai i shpjegon se pa Taravarin në zgjedhje Osmani do ishte në balotazh
-
Rama: Reportazhi i Rai-t është bërë për të sulmuar Melonin duke përdorur shëmtuar Shqipërinë dhe Agaçin
Lajmet kryesore
-
Osmani me fitore bindëse ndaj Taravarit: Diferenca mbi 35 mijë vota
-
Fitimet e investitorëve të huaj arrijnë rekord në Shqipëri
-
Perëndimi duhet të forcojë mbrojtjen pasi epoka e paqes në Evropë ka përfunduar, thotë Kuleba
-
Politico: Rreziku që vjen me zgjedhjen e Belerit si kandidat për zgjedhjet Evropiane