Dy ndeshje do të luhen këtë të enjte në Serie A italiane. Lazio do të presë Udinese-n. Torino pret Empoli-n. Ndeshjet përmbyllin javën e 15-të të kampionatit.
Sfida e parë do të luhet në “Stadio Olimpico Grande”. Torino do të përballet me skuadrën e shqiptarëve: Nedim Bajramit, Ardjan Ismajlit dhe Kristian Asllanit. Te vendasit aktivizohet mbrojtësi i Kombëtares së Kosovës, Mërgim Vojvoda.
Ndeshja do të fillojë nga ora 18:30.
Vendasit renditen të 13-ët në Serie A me 17 pikë. Miqtë kanë 19 pikë dhe renditen në vendin e 11-të. Përballjen e fundit mes skuadrave në Serie A, të luajtur në maj të 2019-s e fitoi Empoli me rezultatin 4-1.
Në mbrëmje, duke filluar nga ora 20:45, Lazio e Maurizio Sarri-t do të përballet me Udinese-n në “Olimpico”.
Edhe këtë sfidë, kapiteni i Kombëtares së Shqipërisë, Elseid Hysaj, pritet ta nisë titullar. Ndërsa, dy shqiptarët e tjerë, portieri kuqezi, Thomas Strakosha dhe sulmuesi dardan, Vedat Muriqi, pritet të jenë në stol.
Kryeqytetasit kanë 21 pikë pas 14 javëve të luajtura. Ata renditen në vendin e nëntë. Miqtë kanë 15 pikë dhe renditen në vendin e 14.
Interesant është fakti që Lazio ka arritur ta mposht Udinese-n në 11 nga 13 sfidat e fundit në Serie A. Ndërsa, përballjen e fundit në “Olimpico” e ka fituar Udinese me rezultatin 3-1. Ciro Immobile ka arritur të shënoi nëntë gola në 12 përballje me Udinese-n në Serie A me Lazio-n.
Serie A do të luajë përsëri pas dy ditësh. Pikërisht më 4 dhjetor fillojnë ndeshjet e javës së 16, të cilat vazhdojnë deri më 6 dhjetor.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Maqedonia e Veriut mban zgjedhjet presidenciale: Osmani e Taravari kandidatë shqiptarë
-
Sabreen, vajza e lindur në Gaza pasi nëna e saj ndërroi jetë në një bastisje
-
Senati amerikan miraton paketën historike për Ukrainën, Izraelin dhe Tajvanin
-
Sot nis zbatimi i Amnistisë Penale, përfitojnë 3 mijë e 800 të dënuar