Disa nga njerëzit e parë në Amerikë kanë mbërritur nga Kina

Disa nga njerëzit e parë që arritën në Amerikë përfshinin njerëz nga ajo që tani është Kina.

Ata arritën nga dy migrime të ndryshme gjatë dhe pas epokës së fundit të akullit, sipas një studimi të ri gjenetik.

“Gjetjet tregojnë se përveç burimeve stërgjyshore të treguara më parë të amerikanëve vendas në Siberi, Kina veriore bregdetare shërbeu gjithashtu si një rezervuar gjenetik që kontribuonte në grupin e gjeneve”, ka thënë Yu-Chun Li, një nga autorët e raportit.

Sipas tij, gjatë migrimit të dytë, e njëjta prejardhje e njerëzve u vendos në Japoni, gjë që mund të ndihmojë në shpjegimin e ngjashmërive në majat e shigjetave dhe shtizave parahistorike të gjetura në Amerikë, Kinë dhe Japoni.

Dikur besohej se siberianët e lashtë, të cilët kaluan mbi një urë tokësore që ekzistonte në ngushticën e Beringut që lidh Rusinë moderne dhe Alaskën, ishin paraardhësit e vetëm të amerikanëve vendas.

Hulumtimet më të fundit, nga fundi i viteve 2000 e tutje, kanë sinjalizuar se burime më të ndryshme nga Azia mund të lidhen me një prejardhje të lashtë përgjegjëse për themelimin e popullsive në të gjithë Amerikën, duke përfshirë në Bolivi, Brazil, Kili, Ekuador, Meksikë dhe Kaliforni.

E njohur si D4h, kjo prejardhje gjendet në ADN-në mitokondriale, e cila trashëgohet vetëm nga nënat dhe përdoret për të gjurmuar prejardhjen e nënës.

Ekipi nga Instituti i Zoologjisë Kunming filloi një gjueti 10-vjeçare për D4h, duke krehur 100 mijë mostra moderne dhe 15 mijë mostra të ADN-së antike në të gjithë Euroazinë, duke arritur përfundimisht në 216 individë bashkëkohorë dhe 39 të lashtë që vinin nga linja e lashtë.

Duke analizuar mutacionet që ishin grumbulluar me kalimin e kohës, duke parë vendndodhjet gjeografike të mostrave dhe duke përdorur datimin e karbonit, ata ishin në gjendje të rindërtonin origjinën dhe historinë e zgjerimit të D4h.

Rezultatet zbuluan dy ngjarje migrimi.

E para ishte midis 19 mijë e 500 dhe 26 mijë vjet më parë kur mbulimi i shtresave të akullit ishte në maksimum dhe kushtet klimatike në Kinën veriore ishin ndoshta jomikpritëse.

Kurse e dyta ndodhi gjatë periudhës së shkrirjes, midis 19 mijë dhe 11 mijë e 500 vjet më parë.

Rritja e popullsisë njerëzore gjatë kësaj periudhe mund të ketë shkaktuar migrime.

Ishte gjatë këtij migrimi të dytë që shkencëtarët gjetën një lidhje gjenetike të habitshme midis amerikanëve vendas dhe japonezëve, veçanërisht Ainut indigjen.

Në periudhën e shkrirjes, një nëngrup u degëzua nga Kina veriore bregdetare në Japoni, duke kontribuar për popullin japonez, sipas studimit, një zbulim që tingëllon me ngjashmëri arkeologjike midis njerëzve të lashtë në Amerikë, Kinë dhe Japoni.

Li ka treguar se një pikë e fortë e studimit ishte numri i mostrave që ata zbuluan dhe provat plotësuese nga ADN-ja kromozomale Y që tregonin se paraardhësit meshkuj të amerikanëve vendas jetonin në Kinën veriore në të njëjtën kohë me paraardhësit femra, i bënë studiuesit të sigurt për gjetjet e tyre.

“Megjithatë, ne nuk e dimë se në cilin vend specifik në Kinën veriore bregdetare ndodhi ky zgjerim dhe cilat ngjarje specifike i nxitën këto migrime”, ka dalluar ai.

“Më shumë prova, veçanërisht gjenomet e lashta, nevojiten për t’iu përgjigjur këtyre pyetjeve”, ka shtuar ai.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.