Dikur bashkëpuntore, tani me ‘diss-a’ kundrejt njëra-tjetrës – çfarë po ndodh mes Nicki Minaj dhe Megan Thee Stallion?

Muzika rep po vazhdon të prodhojë beteja mes artistëve, përfshirë edhe ato gra, derisa gjithçka vijon të shprehet përmes teksteve të këngëve ‘diss’.

Kësisoj, “Big Foot” e Nicki Minaj – një përgjigje e dukshme ose “diss track” në hakmarrje ndaj këngës së publikuar së fundmi të Megan Thee Stallion të titulluar “Hiss” – ndezi rrjetin me shakatë e saj dhe referencat për jetën dhe karrierën e Megan.

Drama mes dy krijuesve të hiteve arriti pikën e saj të vlimit gjatë fundjavës pasi “Hiss” debutoi më 25 janar, shkruan Variety, transmeton AlbanianPost.

Kënga e Megan preku aspekte të ndryshme të jetës së saj të trazuar si personazh publik, por ishte një linjë në veçanti ajo që e kapi vëmendjen e Minaj, derisa Thee Stallion theksoi “ligjin e saj”.

“Nuk e di se cili është problemi, por ju garantoj se nuk  që unë të filloj”, repon Megan mes tjerash.

“Megan’s Law” i referohet një ligji federal që kërkon që organet e zbatimit të ligjit të vënë në dispozicion informacionin për shkelësit e regjistruar të seksit.

Teksti u spikat nga dëgjuesit të cilët e lidhën atë si një gërmim të dukshëm nga Megan me burrin e Minaj, Kenneth Petty, i cili është një dhunues i regjistruar seksual.

Petty u dënua për tentativë përdhunimi në prill të vitit 1995 për një sulm ndaj një vajze 16-vjeçe.

Ai ishte dënuar katër vjet për këtë incident. Petty gjithashtu ka vuajtur dënimin për vrasje nga pakujdesia në shkallën e parë për vrasjen e një burri në vitin 2002.

Minaj e ka mbrojtur burrin e saj në mënyrë posesive për vite me radhë.

Pasi prezantuesja televizive, Wendy Williams trajtoi krimet e Petty-t në emisionin e saj në nëntor të vitit 2019, Minaj dha një prononcim, teksa pati thënë: “Sa herë që e përmendni, ndjeni nevojën për të sjellë këto gjëra në fokus. Nuk e dija që në shoqërinë tonë, ju duhet të shqetësoheni nga e kaluara juaj”.

Pra, nuk ishte befasi që Minaj vrapoi shpejt në mbrojtje të bashkëshortit të saj përmes Instagram Live menjëherë pasi “Hiss” u bë një temë në trend në platformën X.

Edhe pse ajo mbeti jashtë ekranit për pjesën më të madhe të ‘live’ të saj, Minaj dukej shumë e shqetësuar gjatë shikimit të një këngë e papublikuar në atë kohë që i referohej artistes nga Houston që u qëllua në këmbë nga rep artisti, Tory Lanez në vitin 2020.

Gjyqi shumë i publikuar përfundoi vitin e kaluar dhe Lanez u dënua me 10 vjet burg.

Gjërat nuk ishin gjithmonë në kundërshtim mes Minaj dhe Megan, të cilat bashkëpunuan në këngën e kësaj të fundit në vitin 2019 “Hot Girl Summer”.

Por fansat dyshuan se marrëdhënia e tyre ishte acaruar që atëherë. Kur Minaj publikoi albumin e saj “Pink Friday 2” në dhjetor, disa spekuluan se ajo po i dërgonte një goditje të paqartë Meganit përmes këngës “FTCU”, duke iu referuar një rreshti që tundi kokën drejt Lanez.

“Qëndro në Tory Lanez-in tënd, unë nuk jam Iggy”, repoi ajo, duke iu referuar Iggy Azalea-s, e cila u bë pushtoi titujt pasi ajo i shkroi një letër gjykatësit në mbështetje të Lanez-it gjatë gjyqit të tij në pasojat nga plagosja e dyshuar e Meganit.

Ndërsa Minaj vazhdonte duke iu drejtuar “Hiss”, Megan u shfaq në “The Breakfast Club” atë mëngjes për të thënë se ishte shkruar për “’nënat’ që përdorin emrin Megan Thee Stallion, ata marrin 24 orë vëmendje”.

“Unë po them, një qen i goditur do të ulërijë. Kjo është. Kushdo që e ndjen, ta ndjejë atë”, shtoi Megan.

Kënga e Minaj, e titulluar “Big Foot”, u publikua zyrtarisht të hënën e 29 janarit, por Minaj kishte shfaqur tashmë pjesën më të madhe të teksteve të këngës në X dhe Instagram gjatë fundjavës.

Ajo u citua duke kritikuar Meganin për fitimin e “Grammy-ve”, por ende kishte nevojë të “mësonte si të reponte me ritëm dhe të ishte rehat në muzikë”.

Në lidhje me linjën “Megan’s Law”, Minaj thumboi deri në atë pikë, sa ia përmendi asaj nënën e vdekur. Ajo vdiq në vitin 2019.

Teksti i “Big Foot” komenton pretendime të ngjashme për Meganin “e shtrirë mbi nënën e saj të vdekur” dhe incidentin e të shtënave me Lanez.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.